Pagina Pricipal > Tocante Hospital > Facilidadnan
Hospital Deli
E tienda den hospital “Hospital Deli” ta ofrece un asortimento grandi di articulo y acesorio pa e pashentnan, y tambe pa bishitantenan di hospital. Algun di e articulonan cu tin na benta den e Deli ta: carchi, corant, revista, mangel, bebida no-alcoholico, articulo pa baby, coi hunga, articulonan di uso personal, cuki, regalo chikito, lotto, carchi pa telefon y mucho mas. Bo a caba di drenta hospital y bo a lubida algo na cas? Facilmente bo por haya esaki cumpra den e Deli di Hospital. Ora bo ta di bishita den hospital, drenta paden y wak rond kico tur tin.
E Hospital Deli ta na entrada di hospital, na man drechi banda di e porta di “Opname” [Admision].
Orario:
Di dialuna pa diabierna
08:00 te 20:00
Diasabra
08:30 te 20:00
Diadomingo
10:00 te 20:00
Tel: (297) 58 76230.
Telly Rental
Keda interna den hospital hopi biaha no ta nada agradabel. Pa tin algo di haci y como forma di servicio na nos pashentnan den hospital, e compania Telly Rental ta ofrece television na color di 9” pa huur. E servicio tin 43 canal di TV, entre nan 3 canal local (TeleAruba, ATV & StarVision), 2 canal Venezolano (Venevision), un gran cantidad di canalnan di television Mericano, entre nan ABC, CBS, NBC, CNN, ESPN & Movie City. Banda di esakinan tin tambe BVN (Hulanda), Deutsche Welle (Alemania) y un canal di Mexico.
Prijs:
Huur prome dia 9.50 florin
Huur di 2 t/c 8 dia 6.50 florin pa dia
(E prijs aki ta pa e prome 2 simannan)
Siman 3+4 5.50 florin pa dia
Siman 5 y siguiente simannan 4.50 florin pa dia
Ta conecta television entre 15:00 y 20:00 or. E prijs di huur ta incluso un set auricular cu e pashent por keda cu ne. Si bo ta desea di haci uso di e servicio aki, tuma contacto cu nos tecnico na su celular (+297) 96 69698.
Cafetaria
E Cafetaria di hospital ta habri di dialuna pa diabierna di 08:00 te cu 15:00 y ta accesibel via entrada di hospital. E Cafetaria tin un menu extenso cu cuminda y snacksnan sabroso di cual tur bishitante por gosa. E Cafetaria tin tur facilidad y su menu ta varia. E menu diario di e Cafetaria ta uno extenso; di sandwich, salada te cuminda cayente. Tur dia tin un ‘special di dia’ na un prijs sumamente atractivo. Un ‘sopi di dia’ tambe por ta parti di bo plato. Tur dia ta prepara un variedad di salada y sandwich fresco fresco. Tambe bo por scoge entre un cantidad di bebidanan no-alcoholico. Den e seccion friu di e Cafetaria bo por haya bolo, muffins y ice-cream. Bo por come den e Cafetaria mes of bo por hibele cas. No ta permiti pashentnan cu ta interna den hospital haci uso di e Cafetaria.
E Cafetaria ta keda na entrada di hospital na man drechi di e Bali di Informacion. Su orario ta di dialuna pa diabierna di 8:00 te cu 15:00 ora. E Cafetaria ta sera den fin di siman.
