Pagina Principal > Tocante Hospital Tocante Hospital
Dr. Horacio E. Oduber Hospital ta un hospital general cu tin 320 cama. Na hospital ta traha mas cu 800 empleado. Tin 20 specialismo pa cual nos tin mas cu 60 specialista den servicio. Hospital ta ofrece cuido medico-specialisa; clinico, policlinico y servicio ambulatorio.
E fundacion Enfermeria General Aruba ta dirigi e hospital. E maneho diario di hospital ta den man di un director medico y un director financiero. Nan tin den nan maneho un secretaria ehecutivo, un consehero huridico senior, 7 hefe di departamento y 3 ehecutivo.
Un parti di e specialistanan ta den servicio di hospital, esta: e anestesiologonan, radiologonan, pedriatranan, e nefrologo, e specialista di pulmon, e intensivista, e oncologo, un parti di e gynecologonan, y tambe e boticario.Servicio/Cuido
Hospital tin e siguiente specialismonan:
Medicina General – cardiologia-- specialista di pulmon Cirugia General (cirugia vascular) Oftalmologia [docter di wowo] KNO Dermatologia Pediatria Gynecologia / Obstrecia Nefrologia Urologia Neurologia Ortopedia Cirugia plastico Oncologia Radiologia Cirugia Oncologico Neurocirugia Sikiatria Farmacologia Laboratorio Anestesiologia / Maneho di Dolor Den hospital por distingui e siguiente departamentonan:
Departamentonan clinico
- Departamento general unda tin inclui shortstay y unidad di cuido coronario cu 5 cama di vigilancia y vigilancia cu telemetria
- Unidad di Cuido Intensivo cu ta existi di 5 unidad di isolacion
- Departamento di Cirugia
- Departamento Interno y di Neurologia
- Departamento di Klasse
- Departamento di Mucha cu neonatologia
- Departamento di Maternidad
- PAAZ
Departamentonan Ambulatorio
- Departamento di Emergencia
- Clinica di Herida
- Departamento di Revalidacion
- Endoscopia
- Compleho di Sala di Operacion
- Departamento di Parto
- Kimoterapia
- Botica
- Servicio Ambulatorio
Comision di Keho
Nos ta boga pa bo estadia den hospital bai lo miho posibel. Ta di suma importancia pa nos cu bo ta satisfecho cu bo estadia den hospital, cu nos cuido y cu nos servicio. Tog tin biaha algo por bai robes of bai diferente di loke bo a spera. Esaki por ta motibo pa reclama of keha. Nos ta aprecia masha si bo por informa di cosnan cu bo no ta satisfecho cu nan. Esaki ta duna nos e oportunidad pa hunto busca un solucion pa drecha loke ta robes. Pa mas informacion tocante keho of reclamo, nos ta referi bo na nos foyeto cu bo por haya riba tur piso.
E funcionario di keho ta sra. Dr. M.L. van der Griendt-Odijk.Maneho di Calidad
Nos ta boga pa ofrece nos pashentnan servicio di alta calidad. Pa e motibo aki nos a inicia un projecto di acreditacion. Meta di e projecto aki ta pa duna un solo descripcion di tur proceso den e sector di cuido pa asina aumenta efectividad di e servicio.
Informacion pa turista
Turismo ta e ader principal di economia di Aruba. Nos hospital, cu ta situa enfrente e hotelnan turistico, por duna asistencia cu tratamento of ayudo na turistanan, cu ta sufri di un malesa cronico, durante nan vacasion. Nos tin un departamento di emergencia moderno y bon ekipa, cu, 24 ora pa dia, por duna cuido medico na nos turistanan tambe.
Turistanan cu mester wordo dialysa, por acudi na nos departamento di Hemodialyse, cu ta bon utiya, pa tratamento of pa yudansa cu CAPD.
E departamento tin personal profesional y un nefrologo den servicio.Turistanan por acudi na nos departamento di Oncologia pa kimoterapia durante nan estadia na Aruba.
Pa loke ta trata e departamentonan di Hemodialyse y Oncologia ta bon pa informa loke ta e posibilidad y condicionnan prome cu planea bo vacasion. Pa mas informacion acudi na e pagina-webnan di e diferente departamentonan en cuestion.
