E tarea principal di e departamento central di sterilisacion (CSA) ta pa laba, desinfecta, controla, mantene, sterilisa y otorga material medico steril di forma cu tur departamento di Dr. Horacio Oduber Hospital por utilisa esakinan sin ningun riesgo. Pa cu esaki a desaroya un trayecto fiho cu diferente orario di control. Pa por yega na un producto cu ta di calidad halto y safe, e ekipo di instrumento medico ta pasa den diferente tratamento durante e “proceso di sterilisacion”.

Recepcion di instrumento sushi of usa:
Instrumentonan usa (sushi) ta wordo ricibi den e espacio di desinfecta of “espacio sushi”. Ta saca e instrumentonan for di otro y na man ta kita tur sushi cu ta visibel. Despues ta spula e instrumento haciendo uso di e unidad pre-sanitario. Despues di e limpiesa preparatorio aki, e instrumento ta wordo trata den un baño ultrasonico.

Instrumentario cu ta hol di paden, ta wordo haci limpi y desinfecta na man segun instruccionnan di trabou y protocolnan vigente.

E instrumentario cu ta visibelmente limpi, ta bai despues den un mashin di laba instrumento pa wordo laba y desinfecta. E ultimo proceso aki ta un proceso fiho cu mester cumpli cu stipulacionnan vigente.

Controla y arma instrumentario:
Na momento cu e proceso di laba y desinfecta keda cla y ta cumpli cu e exigencianan concerni vigente, ta saca tur cos for di dicho mashin. Ta controla e instrumentonan limpi riba limpiesa, ta arma nan bek y ta controla nan funcionalidad.

Despues ta asambla e setnan di instrumento y ta paketa nan. E operacionnan aki ta tuma lugar segun nan protocolnan vigente. E instrumentario awor ta cla pa e proceso di sterilisacion.

Sterilisacion di instrumento:
Ta reparti e instrumentario cu ta paketa den asina yama ‘charges’ cu numbernan di charges. Di e forma aki ta posibel pa haci un procedura di ‘recall’ pa cada ‘charge’.

Asina cu e sterilisador ta stiwa, e proceso di sterilisacion por cuminsa.

E proceso di sterilisacion mester cumpli cu stipulacion y reglamentacion di modo cu e instrumentario por keda otorga como ‘steril’ pa (re)uso. Si e instrumentario ta califica como tal, e por wordo transporta pa e usuario.

Calidad:
E Departamento Central di Sterilisacion ta continuamente den movecion pa loke ta trata mehoracion di calidad. Punto pa punto esaki ta keda efectua cu implementacion di e sistema di NIAZ.

Sterilisacion di Plasma:
Na comienso di 1980 un medio di sistema di sterilisacion alternativo pa procesa oxida di ethyleen (ETO), a keda desaroya. E meta di esaki tabata pa busca un forma di sterilisacion cu ta safe pa e pashent, e personal y e sitio mes. Esaki conservando e calidad di e instrumentario medico. Nan a descrubri cu tabata posibel pa sterilisa na un temperatura abou usando peroxida. (H2O2).

Desde juni 2006 e sterilisador di plasma, incluso e sistema di vigiliancia electronico, a keda instala riba e departamento central di sterilisacion pa loke ta trata e sterilisador pa oxida di ethyleen (ETO).

Endescopia – desinfeccion:
Na momento cu a introduci e slangnan flexibel pa lusa paden, por a laba y desinfecta esakinan solamente na man. Esaki a resulta di ta un proceso laboral intensivo cu tambe tabata tin pregunta su tras. Traha cu e desinfectante tambe a resulta di tin su riesgonan pa salud di e colaboradornan. Cu desaroyo di e slangnan endoscopo, industria na mes momento a traha riba e metodo mecanico pa sanita y desinfecta e slangnan aki. E mashinnan actual ta domina e proceso di tal forma, cu calidad di e limpiesa y desinfeccion ta duna un miho garantia cu e metodo na man.

Desde november 2006 e Departamento Central di Sterilisacion a tuma encargo di laba y desinfecta e slangnan pa lusa paden riba e departamento di endoscopie. E slangnan endoscopico ta wordo desinfecta pa medio di limpiesa mecanico. Despues di esaki nan ta cla atrobe pa wordo usa.

Automatisacion:
Den e prome seis lunanan di 2007 Departamento Central di Sterilisacion a inicia implementacion di e pakete di automatisacion “CS-Steriel”. Pa medio di esaki ta posibel pa sigui sterilisacion di e instrumentario y e setnan di instrumento durante e proceso di sterilisacion.

Esaki ta pone cu ta bira posibel pa un colaborador, sinta na su lugar di trabou, por vigila y sigui e descripcionnan di e setnan, instruccion di trabou, protocol, instruccionnan di montahe y desmontahe durante e proceso di sterilisacion.

Personal:
E team di e departamento central di sterilisacion ta consisti di 11 colaborador y ta reparti den e siguiente funccionnan:

 Hefe di sterilisacion central / experto instrumentario medico sterila
 Hefe suplente di sterilisacion central
 7 colaborador di sterilisacion central
 2 alumno di sterilisacion central

Estudio:
Pa por traha riba e departamento di sterilisacion central, bo mester tin e diploma di colaborador instrumentario medico steril. E estudio aki ta wordo duna pa e Instituto L.O.I. na Hulanda. [Leidse Onderwijs Instellingen]

Den december 2006 a cuminsa pa di dos biaha cu e estudio “Instrumentario medico steril”.

Hefe di Departamento: Teun Gerritsen
Telefon: (297) 58 74300 ext. 311
Celular: (297) 59 74338
E-mail: t.gerritsen@arubahospital.com

E cuido pastoral den hospital ta resorta bou e Departamento di Enfermeria y ta dedica na ofrece asistencia spiritual na pashentnan, miembronan di famia y colaboradornan den Hospital.

Cuido Pastoral den Hospital tin como meta:

• E cuido spiritual di pacient y miembronan di famia
  
• Organisa servicionan religioso
  
• Mantene contacto cu e pastornan y leadernan di otro organisacionnan religioso
  
• Ofrece asistencia spiritual na colaboradornan den hospital
  
• Duna informacion na studiante
  
• Facilita articulonan y medionan eclesiastico pa actividadnan religioso.

E actividadnan di Cuido Pastoral den hospital ta dirigi specialmente riba e pashent y nan famia. Esnan encarga cu e cuido pastoral ta bishita pashentnan tur dia pa sera conoci cu nan y pa splica loke e funcion di Cuido Pastoral den hospital ta encera. Si e pashent ta desea, e por pidi pa guia pastoral. Tambe ta posibel pa despues di un combersacion personal, intervencion di famia of despues di a indica esaki na un dirigente di e departamento, pa pidi asistencia di un trahado social. Cuido Pastoral ta atende tambe cu pashent y/of famia despues cu esakinan a ricibi mal noticia y ta duna guia na pashentnan y nan famia durante periodonan di malesa grave of terminal. Entre otro nan ta ofrece asistencia emocional y ta duna sosten despues di fayecimento di un pashent. Tambe nan ta asisti e famia durante e proceso di luto. E famia por pidi pa e servicionan aki na nos oficina. Oracion ta importante pa pashent den hospital pero tambe pa e famia, irespeto nan creencia religioso y conviccion filosofico.

Por ricibi e siguiente sacramentonan:
Boutismo pa babynan hopi grave
Confesion riba peticion y tambe den Semana Santa
Santa Comunion tur diadomingo y riba dianan di fiesta religioso
Confirmacion den casonan di urgencia
Matrimonio riba peticion pa pashentnan hopi grave
Santa Oleo riba peticion
Sacerdocio no ta posibel

Cuido Pastoral ta encarga cu preparacion y organisacion di reunionnan manera servicionan religioso y di oracion. Durante dianan di fiesta religioso ta organisa diferente celebracion y actividad. Como muestra di aprecio na pastor, legionario y boluntarionan, Cuido Pastoral ta organisa un reunion anual. Ta tene celebracionnan grandi riba dia di Pasco di Nacemento, durante Semana Santa (caminda di cruz y Pasco Grandi), Pentecoste, Dia di Mama y Dia di Tata.

Por tuma contacto cu Cuido Pastoral na:
Telefon: (+297) 58 74300 ext. 340 of via pager
Fax: (+297) 58 70321
Colaboradornan Pastoral: Filomena Tromp & Brigida Croes
Email: F.Tromp@arubahospital.com / Pastoralezorg@arubahospital.com

 

E departamento di Servicio Facilitario ta ofrece un cantidad di servicio di apoyo cu ta necesario pa laga e proceso primario cana segun plan. Ta ofrece e servicionan aki na colaboradornan di hospital y na bishitantenan. Den e departamento di Servicio Facilitario ta traha mas o menos 150 persona, reparti entre e 4 departamentonan, cualnan ta Recepcion, Cuido Domestico, Servicio di Alimentacion y Logistica.

Servicio di Alimentacion
E servicio di alimentacion ta percura pa tur bebida y cuminda pa e pashentnan, e bishitantenan y e colaboradornan. Bishitantenan por cumpra cuminda y bebida den e Cafetaria na Entrada di Hospital. E cafetaria ta ofrece un variedad na bebida, snacks, sandwich, baskets y un ‘special’ di dia na prijsnan atractivo.
E personal ta accesibel na e siguiente manera:
John Fun, hefe 339 E-mail: j.fun@arubahospital.com
Mena Croes, adm. 338 E-mail: f.croes@arubahospital.com
Felicia Cooper@, Asst. hefe Servicio Civil 179, email: f.cooper@arubahospital.com

Procedura pa servicio:
Pashentnan
Ora bo keda interna den hospital bo docter mester indica cua dieta bo tin cu haya. Den caso cu esaki ta desconoci, lo bo keda haya bo cuminda automaticamente [dieta normal] te ora e docter prescribi un dieta. Si ya caba bo ta riba un dieta, p.e. bo ta diabetico, por fabor raporta esaki ora di admision. Tur dia bo ta haya un menu for di cual bo por scoge loke bo ta desea di come pa desayuno, cuminda di merdia y atardi di e dia siguiente. Cada bes tin un menu di sugerencia y uno di escogencia. Ora admiti un pashent den hopi caso su dieta ta desconoci. E ayudante di cushina ta pasa busca e menu cu bo a yena despues di desayuno. Si bo tin pregunta of cualkier deseo specifico, bo por informa e ayudante di cushina di esaki. Cambionan den dieta por wordo haci solamente dor di docter.

Orario di come
Ta sirbi pashent cuminda tres biaha pa dia. Ta sirbi desayuno entre 7:30 te cu 8:30 di mainta; cuminda di merdia entre 11:30 y 12:30 y atardi entre 5 or y 6 or. E orario exacto ta varia segun departamento.

Cafetaria
E cafetaria ta habri di dialuna te cu diabierna di 8’or di mainta te cu 3’or di atardi. Aki empleado y bishitante por cumpra cuminda y bebida. Bo por acudi na nos cafetaria pa desayuno, lunch of cualkier ora pa un snack sabroso of un bebida resfrescante. Nos propio kokinan ta prepara tur dia ‘specialnan’ pa lunch y baskets. Tambe tin un variedad di snacks friu y cayente manera pan (blanco/bruin), salada, pastechi, kroket, asina ta cu semper por haya algo di smak. Tur dia tin un ‘Special di Dia’. For di mainta caba bo por lesa kico e special aki ta riba e borchi den Cafetaria.

Compra y Logistica
E servicio aki ta percura pa compra y abastecimento di tur articulo y compra di servicionan pa Hospital. Si bo ta desea di ofrece bo servicionan na Hospital, bo por tuma contacto cu e hefe pa un cita.

Personal ta accesibel na:
Hefe Compra y Logistica – 107
Asst. Hefe di Compra y Logistica – 154

Recepcion y Seguridad
Recepcion ta ofrece servicionan facilitario como sosten na e organisacion manera Informacion, Lost & Found, reservacion, comunicacion, entrega di post y seguridad. Recepcion tin un par di subseccion. E Bali di Informacion ta duna informacion na bishitante, pashent y ta percura pa e post y pa reservacion di e sala di conferencia. Bo por acudi na e bali aki di 7:30 te cu 20:00 di dialuna pa diabierna. Durante weekend e bali ta habri di 11:00 te cu 19:00 ora. Tambe pa articulonan perdi of haya [Lost & Found] bo por acudi na e bali di informacion. Central di Telefon ta pasa yamadanan di telefon y ta opera e sistema di localisa via pager. E personal di seguridad tambe ta cai bou Recepcion. Pa tur asunto relaciona cu seguridad of seguridad en general, bo por acudi na e funcionarionan aki.

Recepcion y Seguridad
Milka Schoop* , Hefe 341 E-mail: m.schoop@arubahospital.com
Bali di Informacion 305
Central di Telefon [operador] 0
Seguridad 300

Procedura di Servicio:
Central di Telefon – Yama Hospital
Bo por yama Hospital na 587-4300. Bo ta haya e telefonista cu ta comunica bo cu e departamento of persona desea. Via 588-4300 bo ta haya nos sistema di contesta automatisa; bo mester sa e number di extension cu bo ta desea pa por haci uso di e servicio aki. Pa yama pafo di hospital, bo por usa e telefonnan di carchi cu ta situa banda di e liftnan riba cada piso of abou na entrada. Bo por cumpra carchi di telefon den e delishop. Si bo ta den hospital y bo mester di ayudo, bo por yama e telefonista na 0.

Pa page un persona
Den caso cu bo mester localisa un persona cu tin un pager, bo por yama e telefonista y e ta comunica bo cu e persona of e ta transmiti bo mensahe.

Yamada pa exterior
solamente cu e telefonnan di carchi banda di e liftnan of na entrada por hasi yamada pa exterior. Carchi ta na benta den e giftshop.

Uso di Celular
Por usa celular a menos cu tin indicacion diferente anota riba borchi. Celular por causa interferencia cerca cierto aparatonan y por ocasiona situacionnan cu por ta un menasa pa bida di hende. Nos ta suplica bo pa tene bo mes na e reglanan stipula.

Ocasion pa staciona auto – Stacionamento corecto
Bo mester atene bo mes na reglanan di stacionamento na momento di staciona bo auto: esaki kier men para bo auto solamente meimei di e liñanan di parkeer, no para bo auto unda tin para: ‘niet-parkeren’ of unda esaki ta indica riba caminda of unda bo por stroba trafico. Hospital ta mantene e derecho pa laga kita autonan mal staciona riba gasto di e doño.

Irregularidad riba tereno di staciona auto
Sea asina bon di raporta esaki na e guardianan di seguridad (ext 300) of na e Hefe di Seguridad (ext 341).

Peticion pa Sala di Reunion – Sala di Conferencia
Uso di e Sala di Conferencia ta bai segun un formulario cu bo por busca na bali di informacion (ext 305). Ta huur e sala aki na tercer partida pero solamente na esnan cu meta relaciona cu cuido di salud. Bo mester permiso prome di e Hefe di Servicio Civil (ext. 339).

Carnet – Carnet di Identificacion
Bishitantenan cu tin permiso di e departamento pa bin bishita nan familiar fuera di orario di bishita, mester busca un carnet cerca e guardia banda di e liftnan abou na entrada. Esaki tin un codigo di color cu bo por usa solamente pa e departamento en cuestion, pues unda bo famia ta interna.

E botica di hospital, tambe yama e departamento farmaceutico clinico, te ocupa su mes cu e vigilancia di uso di remedi, e compra, preparacion (trahamento di remedi), logistica y garantia di calidad di remedi, cu ta wordo usa den hospital. Tambe distribucion di informacion y educacion ta parti di e tareanan. Abo, como patient, por haya remedinanan solamente for di e botica di hospital si bo ta interna den Dr.Horacio E.Hospital. Si bo no ta interna bo mester bai na bo propio botica. Solamente den casonan di excepcion e botica di hospital ta suministra remedi na un patient cu no ta interna.

Den e botica ta traha un total di 16 empleado cu diferente orientacion y tarea, manera boticario, asistente di botica, empleadonan farmaceutico y personal di administracion. E asistente di botica ta prepara y ta entrega remedinan for di e botica central como tambe boticanan satelite riba e diferente departamentonan. E trabou di e asistente di botica ta uno meticuloso y varia cu tin tambe cu ne un dosis grandi di responsabilidad propio. Pa un uso sigur (safe) di remedi informacion di remedinan cu bo ta usa ta importante. Un asistente di botica por bin na bo cama pa haci bo pregunta tocante e remedinan cu bo ta usa na cas si tin falta di claridad of si mester duna splicacion adicional. Un empleado farmaceutico ta yuda e asistente di botica. Den cuadro di preparacion di remedi, distribucion y transporte, e empleadonan diariamente ta abastece e diferente departamentonan. E empleado administrativo ta percura pa traha e cuenta si bo aseguro ta exigi esaki. Tambe, pa medio di trabounan secretarial, e ta yuda e boticarionan.

Vigilancia di remedi ta un parti hopi importante di nos pakete di tarea. Continuamente controlnan ta tuma lugar pa mira loke pashentnan ta wordo prescribi. Den esaki computernan ta hunga un papel importante. Tur tramite, di compra te distribucion, ta wordo administra y controla miniciosamente. E boticario ta delibera cu e docter si, por ehempel, e remedinan por wordo usa/tuma hunto.

E boticario por busca informacion cerca bo propio Botica encuanto bo uso recien di remedi. E ta keda importante pa abo mes tambe conta e docter of e enfermera cua ta e remedinan cu bo ta usa. Importante ta tambe e remedinan cu bo a cumpra sin receta den e Botica. Den hospital nos por controla asina si eventual otro remedinan por wordo usa hunto den un forma corecto.

E Botica ta habri di dialuna pa diabierna for di 8’or di mainta te cu 17’or. Despues di e orario aki e asistente di botica y un boticario ta localisabel via central.

E hefe di e Botica ta sra.drs.R.J.H.M. van Drie-Pierik. Hunto cu e segundo boticario sra.drs.N.N.Hughes-Jacobs e tin e maneho di e botica. Bo por localisa nan via central ext.109 of email hapot@arubahospital.com

 

 

Bou Higiena y Prevencion di Infeccion nos ta compronde e total di medida pa evita cu ta contagia cu micro-organismo di trahado y di pashentnan den hospital.

E departamento di Higiena y Prevencion di Infeccion
Nos ta ocupa nos mes cu prevencion y combatimento di infeccion cerca pashent y trahado. Nos ta haci esaki e.o. dor di:

• Localisa, registra y analisa infeccion den hospital
• Prepara maneho di prevencion di infeccion den coperacion cu e comision di infeccion
• Formula liñanan di maneho y protocolnan riba tereno di higiena y prevencion di infeccion y coordina su implementacion y evaluacion
• Duna conseho, informacion y educacion riba tereno di higiena y prevencion di infeccion na tur seccion den hospital
• Duna vacuna contra Hepatitis-B y maneha status di vaccinacion di trahadornan
• Coordina y maneha asistencia den caso di contacto accidental cu sanger (ora di prik, corta y incidentenan cu sanger a spart)
• 
  Coordina testnan di TBC cerca colaboradornan despues di contacto sin proteccion cu pashent cu TBC habri
  Tuma cultivonan di inventarisacion di MRSA cerca colaboradornan si ta sospecha infeccion y pa obtene un declaracion cu bo ta liber di MRSA.

Mision
E departamento Higiena y Prevencion di Infeccion (H&I) tin como meta pa contribui na e maneho di calidad di Dr. Horacio E. Oduber Hospital (HOH) pa loke ta trata prevencion, localisacion y combatimento di infeccionnan den hospital cerca pashent y infeccionnan di profesion cerca colaboradornan. E area di atencion di e departamento di H&I ta henter e hospital y tur departamento cu ta eyden. E centro di gravedad di e trabounan di e higienista ta riba nivel tactico pero tambe riba nivel strategico y operacional.

Vision
“Di cada pashent tin uno so, y nos ta e unico!”

E caracter unico di cada ken cu ta pidi cuido medico specialisa y e echo cu Dr. Horacio E. Hospital ta e unico cu facilitador clinico, ta haciele un deber y responsabilidad pa ofrece un cuido di un calidad mas halto posibel. Segun calculacion un di cada dies pashent interna ta wordo infecta den hospital (Conseho di Salud, 1990). E lucha contra infeccionnan (di hospital) ta cambia constantemente cu yegada di tecnologianan medico nobo, desaroyonan den hospital (e.o. hospitalisacion mas cortico) y den comunidad y dor di e problemanan di resistencia cu ta manifestando nan mes. Riba dje nos ta haya un populacion di pashent cu ta cambia. Pa e motibonan aki tambe e problema di infeccion den hospital, a pesar di esfuersonan creciente, no a reduci den e ultimo añanan. Implementacion di medidanan pa preveni infeccion ta parti di tur tratamento cu ta regarda pashent.

Colaboradornan
H&I ta consisti for di 1-1-2006 di 3 colaborador:
- Rica Delamarre, higienista di hospital
- Anneke Korebrits, higienista di hospital
- Linda Halman-Barry, colaborador administrativo

Organisacion
H&I ta resorta bou e Departamento Funcion y Maneho.

Accesibilidad
H&I ta estableci riba camber 103 den e compleho di oficina (zusterflat). Bo por comunica cu nos di 8:00 – 16:00 den e camber aki of na telefon, extension 326.

Bo por localisa nos tambe pa medio di e-mail:
r.delamarre@horacionet.mail
a.korebrits@horacionet.mail
l.halman-barry@horacionet.mail

E higienistanan ta disponibel 24 ora pa dia y 7 dia pa siman pa duna asistencia ora di contacto accidental cu sanger. Fuera di orario di oficina bo por contact nos via central di hospital.

Vacuna Hepatitis B
Tur diahuebs bo por pasa cerca nos pa un vacuna di Hepatitis B y un anti HBs declaracion titer. Yama nos prome cu bo bin pa ta sigur cu un di e higienistanan ta presente akinan.

E departamento di Cuido Ambulatorio ta pa pashentnan cu mester haci un operacion chikito of mester haci un test y unda ta necesario pa nan permanece algun ora den hospital despues di e operacion of test aki.

E departamento aki ta admiti adulto como mucha y tin 14 cama cualnan por wordo usa te cu tres bes pa dia.

E departamento ta habri di 6:50 AM te 18:00 PM.

E specialista a palabra e operacion cu e pashent ya di antemano. E pashent no por come ni bebe nada 12 ora prome cu operacion. E estadia den hospital ta di duracion cortico. Asina cu e pashent recupera di e anestesia y asina cu su situacion general permiti esaki, e pashent por bai cas bek.

E enfermeranan por sigui vigila bo y ofrece bo e cuido necesario. Normalmente bo por bai cas bek den curso di dia.

Cuida y trata pashentnan cu herida den forma efectivo y eficaz y na un forma holistico.
Esaki ta ensera: duna famia y/of dunadornan di cuido informacion y educacion tocante cura di herida. Ademas ta duna hopi atencion na prevencion y educacion di e categoria di pashent specifico aki. E cuido di alta calidad ta wordo ofreci den un formato cla y ta dirigi riba e pashent y su forma di biba individualmente. Esaki ta cai bou supervision y responsabilidad di e specialista medico.

Carta di Referencia
Bo mester tene cuenta cu e carta di referencia tin un duracion di solamente 3 luna y mester wordo prolonga. Bo lo tin cu puntra bo docter di cas pa un carta di referencia nobo pa e specialista. E specialista na su turno, ta duna bo un carta di referencia pa e Clinica di Herida. Durante bo tratamento den e clinica di herida, bo mester trata maske ta 1 ves den e 3 lunanan pa haci un cita cu bo specialista pa control. Den caso cu no tin poco of ningun progreso den e herida, e specialista en cuestion ta wordo yama pa bin haci un inspeccion di e herida personalmente y pa adapta e maneho di herida. Ora e herida cura totalmente, e tratamento ta keda completa cu un ultimo control den oficina di bo specialista pa confirma terminacion di e tratamento.

Procedura di referencia
Bo mester wordo referi pa un specialista medico. Pa limita e periodo di espera na un minimo, nos na Clinica di Herida a scoge pa traha solamente segun cita. Esaki ta ensera cu bo mester ta na tempo pa bo cita, nos ta percura cu bo no tin mester di warda, pesei nos tin un sala di espera chikito. Bo por haci un cita cerca e secretaria na telefon: 58 74300 / 58 84300 ext 306. Den caso cu bo a sali for di hospital, e departamento mes lo traha un cita pa bo.
Ora di prome bishita bo tin cu raporta cerca e secretaria cu e siguiente documentonan:

• Carta di referencia di of pa e specialista
• Carnet di hospital
• Zorgpas valido di AZV y un documento di identificacion

Durante e prome bishita na e clinica di herida ta tuma un anamnese y analisis di e herida. Ta saca un potret di bo herida y ta tuma midi di e herida. E consultor di herida lo duna bo instruccion tocante cuido di e herida y e maneho di herida. Na mes momento ta palabra e frecuencia di e consultanan. Siguientemente ta cuminsa baha e cantidad di bishitanan na e clinica di herida, con tal cu e pashent/famia tuma e cuido di herida parcialmente over. Nos tarea ta dirigi mas riba guia e pashent y ta ahusta e maneho di herida si ta necesario. Si mester bo ta haya un raport di traspaso destina pa W.G.K, S.V.B, B.G.D. y bo specialista cu un potret digital di e herida.

Prescipcion di receta:
Na bo prome bishita bo ta haya un receta di e Clinica di Herida y un formulario pa autorisa AZV. Ambos mester wordo firma pa e specialista of docter di cas. Despues di esaki bo mes tin cu hiba e autorisacion pa AZV pa aprobacion. Bo ta hiba e receta pa bo Botica. Esaki lo yama bo ora bo por bin busca bo productonan. Lo bo ricibi un carta na cas tambe di AZV den cual ta para si bo receta cu e productonan a keda aproba of no.

Clinica di Herida HOH
L.G. Smith Blvd z/n
Tel: 5874300 of 5884300 ext. 306

Orario:
Dialuna pa diabierna
Di 7:00 – 3:00 or

Departamento di Emergencia (SEH) ta un departamento bon utiya y ta ofrece cliente c.q. pashent prome auxilio y asistencia riba tereno medico como paramedico aki na Aruba.

Pa duna asistencia y tratamento na tur sorto di traumata, sea cu nan a yega cu ambulans, helicopter of particular, e departamento aki ta completamente ekipa. Mester bisa cu e departamento aki ta e unico Departamento di Emergencia na Aruba pa asistencia politrauma y/of otro malesanan cu ta forma peliger pa bida. Banda di esaki ta trata tambe pashentnan di docternan di cas, pero dor di inovacionnan organisatorio esaki ta menguando. Pa por samina y trata e pashent na un manera mas efectivo, a traha riba un seccion di triage cu ta funciona segun proceduranan stipula. E triage aki ta consisti segun su contenido, fuera evaluacion di e solicitacion pa cuido di e pashent, di un grado halto di interacccion entre e departamento di emergencia SEH y e demas actornan den medicina di Emergencia na Aruba, pa loke ta trata pashentnan cu ta referi nan mes y pashentnan cu a dwal. Generalmente e triage ta funciona segun e sistema di e Manchester Triage System, maske cu esaki a keda adapta un poco na nos circumstancianan local. E Departamento di Emergencia ta unico den su categoria na Aruba y ta duna cuido medico na un por medio di 70.000 pashent pa aña. Mediante triage ta trata di minimalisa un tercer parti di e referencianan aki, cu despues di triage y segun protocol, ta referi nan pa otro diciplina. Esaki den bista di nan codificacion no-urgente y pa motibo di sobrecarga di SEH.
E personal ta consisti di 25 enfermero cu parcialmente a sigui un curso di SEH, cu ta studiando ainda of ta cla pa cuminsa cu e estudio aki. E estudio ta wordo facilita na Aruba cu asistencia di un programa di enseñansa Hulandes.

Tin 7 docter di emergencia [poortarts] cu ta traha e diferente wardanan segun turno, bou guia di un coordinador medico.

E organisacion ta forma parti di e cluster di cuido ‘departamentonan di funcion- y maneho’. E departamento di Emergencia completo ta consisti di un unidad di Emergencia, e Unidad di Triage, un unidad pa intervencionnan chikito, un oficina di docter na warda, un gipskamer, un unidad di endoscopie y un mortuario.
E structura hierargico ta consisti di un hefe di departamento cu ta cai directamente bou di e hefe di ‘Departamento di Funcion- y Maneho’.
Despues ta sigui e hefe di departamento suplente, e enfermeronan di SEH cu ta carga e responsabilidadnan operacional diario na pia di trabou y e enfermeronan na SEH. Segun organisacion y maneho ta traha den team y ta reina un comunicacion habri y colaboracion. Tur luna ta duna dos dia tematico den cual ta trata proposicionnan di maneho y procesonan di desaroyo. Tambe ta tene un asesorio di trabou tur luna cu ta wordo presidi pa e hefe di departamento. Generalmente mayoria pashent Arubiano por expresa nan mes na un forma razonabel den e idioma Hulandes. Pa combati e barera di idioma, hospital ta organisa cursonan den dominio di Papiamento. Den hopi caso e practica di tur dia ta yuda un poco pa compronde nos idioma. Den bista di e grupo grandi di enfermeronan specialisa for di este di Europa, ta señala e diferencianan den cultura. For di punto di bista di e pashent mester tene cuenta cu esaki, mirando e grupo grandi y significante di migrantenan for di e parti di mundo aki, cu diferencianan den cultura relativamente innocente pa loke ta trata malesa/experencia di dolor, servicio di boluntarionan den hospital, expectativanan y percepcion di terapia y e grado di responsabilidad propio. Departamento di Emergencia ta pasando dor di un desaroyo rapido y positivo pa loke ta trata hende, educacion, material y ekipo, unda un constuccion completamente nobo di e Departamento di Emergencia a keda completa na aña 2006.
Pa mas informacion tocante e Departamento di Emergencia por tuma libremente contacto.

Tel: (+297) 587 0331 of (+297)587 4300
Email: seh@arubahospital.com

Mision
Nos ta un team di rehabilitacion, dedica na ofrece asistencia multidiciplinario y guia na esnan cu ta rekeri cuido y nan famia.

Vision
Desde 2004 nos tin un pakete total di servicio di rehabilitacion riba un solo locacion, pa asina stimula funcionamento di cada un.

E Departamento di Rehabilitacion ta ofrece rehabilitacion na pashentnan clinico como ambulatorio. E pashentnan ta wordo referi na nos pa diferente specialisacion y tambe pa docternan di cas. Aruba tin un comunidad multicultural. Esaki ta hunga un papel grandi den e forma con un pashent ta experencia su malesa. Esaki ta forma un reto pa nos team den nos manera di acerca e pashent pa asina logra haya resultadonan maximo di e tratamentonan cu nos a scoge.

E team ta consisti di e hefe di departamento, 1 docter di rehabilitacion, 5 fysioterapista, 2 ergoterapista, 1 logopedista, 1 trahado social y un asistente di revalidacion. Como consultor tin un instrumentista ortopedico y un podoterapista. E departamento ta traha estrechamente cu e diferente specialisacionnan. Tur siman e team di rehabilitacion ta participa na e reunion di asesorio multidiciplinario neurologia y fractura. E diferente diciplinanan ta duna lesnan clinico y ta tene charla riba e diferente departamentonan den hospital.

E departamento ta hunga tambe un papel importante pa cu comunidad den forma di informacion y ta tene charla, seminario y workshop na pia di trabou. Den futuro esaki lo wordo expande pa medio di specialisacionnan specifico dentro di e team.

Introduccion
No semper ta necesario pa envolvi instancia of profesionalnan den problemanan personal of sikiatrico. Hopi biaha hende ta surpasa tiponan di problema asina di nan mes forsa of cu ayudo di nan famia of amigo. Den otro casonan e docter di cas of trahado social por duna conseho pa sigui padilanti. Pero si e problemanan y e tension keda perdura y den un forma grave impedi un hende den su funcionamento diario, profesionalnan y ayudo specialisa por ofrece un solucion.
PAAZ den casonan asina, ta ofrece ayudo profesional na hende cu problemanan sigico of sikiatrico serio.

Kico PAAZ ta?
E abreviacion PAAZ ta para pa “Psychiatische Afdeling van het Algemeen Ziekenhuis” [Departamento Sikiatrico di e Hospital General]; cu otro palabra un departamento di cuido di Dr. Horacio E. Oduber Hospital. PAAZ ta e unico institucion sikiatrico na Aruba unda, den caso cu no ta posibel mas pa un persona keda funciona den su propio seno, pa yuda e persona aki regresa mas lihe posibel den comunidad dor di admision y despues pa medio di cuido y guia dirigi. Como cu Aruba no tin un Hospital General Sikiatrico, PAAZ ta cumpli cu e funcion aki. Pa tal motibo tin un diversidad na departamento dentro di PAAZ.

PAAZ ta consisti di e siguiente departamentonan:
1. Departamento di Admision
2. Resocialisacion/Departamento di Continuidad
3. Departamento Residencial
E departamento di Terapia y Servicio Ambulatorio ta fungi como sosten pa e 3 departamentonan di cuido na un banda, y di otro banda como intermedio pa regresa den comunidad. PAAZ tin un staf medico cu ta consisti di 2 sikiatra y un sicologo clinico. Fuera di esakinan tin tambe un trahado social den servicio como asistencia den e proceso di tratamento.

PAAZ Departamento di Admision
E meta di e departamento di admision di PAAZ ta: “Diognostica y trata situacionnan sikiatrico y intervencion di crisis.”

E Departamento di Admision di PAAZ ta existi desde 1987. E ta e unico departamento sera dentro di PAAZ y tin un capacidad di 11 cama. Ademas di esaki tin dos cel di isolacion cu por wordo utilisa exclusivamente segun reglanan di admision sumamente severo. Riba e departamento di Admision di PAAZ ta traha 10 enfermero specialisa, cu sosten profesional di un terapista.

Reso-/Departamento di Continuidad:
E meta di e Reso-/Departamento di continuidad ta: “Continua cu diagnosticacion y tratamento di duracion largo cu enfasis riba resocialisacion te cu un maximo di 6 luna. Meta secundario di e resocialisacion ta pa ofrece cuido, di modo cu e pashent ta siña anda cu su malesa, reintegracion den comunidad y/of trabou y pa e por sali bai biba den un vivienda adecuado. [independiente of cerca famia].

E Resocialisacion-/departamento di continuidad ta existi desde 1997. E departamento ta fungi como un continuacion natural di e admision den PAAZ. Banda di esaki e departamento di resocialisacion tin e funcion pa duna asistencia na pashentnan ora nan regresa den comunidad. Tin capacidad pa admiti 9 pashent.

Con un pashent ta yega PAAZ?
E pashent por wordo referi na PAAZ dor di intervencion di diferente instancia, pero ta e sikiatra ta e specialista autorisa pa admiti un pashent, of dicidi riba admision den PAAZ.

Nos pashentnan por bin di e.o.:
1. Docter di cas
2. Policlinica Centro Medico San Nicolas
3. Departamento di Emergencia di HOH
4. Policlinica di e sikiatranan
5. Servicio Sikiatrico Social [SPD]
6. Centro Dakota
7. Centro Colorado
8. SAMBA
9. Husticia (KIA)

Posibilidadnan di Asistencia
PAAZ ta ofrece e siguiente formanan di asistencia:

• Asistencia ambulatorio: esaki ta asistencia specialisa na hendenan cu problemanan sikiatrico, kendenan normalmente por keda biba na cas mes
• Tratamento ambulatorio: esaki ta asistencia specialisa pa un of mas parti di dia pa siman
• Admision clinico pa un cierto periodo pa intervencion di crisis

Procedura di Admision
Pa por wordo admiti e pashent tin cu somete su mes na un screening somatico na policlinica [Departamento di Emergencia] di Dr. Horacio E. Oduber Hospital, a lo menos cu e sikiatra duna indicacion cerca pashentnan conoci pe, cu nan no tin mester di haci e screening somatico.
Ora di admision e pashent mester tin cu ne:

• Raport di screening somatico
• Un carta di referencia di e instancia/docter
• Plan di Tratamento di e sikiatra
• Documentonan di Seguro balido: AZV-zorgpas
• Un carta di referencia di AZV di su docter

Admision riba Departamento di Admision di PAAZ:
Ora un pashent yega e departamento di Admision di PAAZ [mayoria bes cu urgencia], e mester tin cu ne un peticion pa admision di e docter cu consentimento di e pashent. Akinan ta tuma lugar un entrevista di admision.

Siguientemente e pashent ta haya un camber of den caso cu e pashent mester di sosiego extra, e pashent ta bai den e “sluiskamer” of sino den e cel di isolacion. Segun e plan di tratamento di e sikiatra, un plan di cuido ta keda formula pa e asistentenan personal (enfermeronan specialisa) pa e pashent.

Admision riba Reso-/Departamento di Continuidad:
Ora un pashent keda admiti, e mesun dia e ta haya un entrevista preliminar. Mayoria bes esaki ta tuma lugar cu 2 enfermero. Durante e entrevista aki ta traha un inventarisacion di e problemanan. Despues e pashent ta ricibi informacion di e departamento unda e ta keda interna.
Durante admision ta samina e pashent pa fiha un diagnostica, a menos cu esaki a keda comproba previamente pa e sikiatra.

Un test sikiatrico y si ta necesario un test sicologico ta parti di esaki. E enfermero ta haci preguntanan detaya tambe tocante e comienso y transcurso di e kehonan, circumstancianan y historia di bida. Si ta necesario e enfermero ta pidi informacion tocante otro tratamentonan fuera di PAAZ. Ta spera di e pashent cu durante su estadia den e departamento cu e, hunto cu e docter cu ta tratele y e enfermeronan, ta traha na su problema y/of kehonan na un forma activo. Duracion di admision ta maximo 6 luna.

E plan di tratamento:
Durante su estadia, un asistente personal (pb-er) ta wordo asigna na e pashent y un asistente ambulante cu ken e pashent ta papia regularmente. E pb-er en principio ta e persona indica pa acudi na dje. Ora e pb-er ta ausente, e pashent por acudi na e asistente ambulante. E pb-er lo tin cu, mas lihe posibel, pero den tur caso dentro di tres dia, formula un plan di tratamento preferiblemente hunto cu e pashent. Tin diferente posibilidad pa terapia den e departamento di cual ta duna un ehempel como ilustracion. Ta depende di e situacion di e pashent pa determina con leu e por participa den esaki. Dos siman despues di admision un prome evaluacion ta tuma lugar durante e asesorio di pashent, den cual entre otro ta keda discuti e conclusionnan di docter, e enfermeronan, e terapia y e pashent mes. Alabes ta asesora e resultadonan di e diferente testnan. E docter cu ta trata e pashent ta bin cu un proposicion pa un plan di tratamento y e terapianan cu ta resulta for di esaki. Ta ahusta e plan di cuido medico segun e.o. e plan di tratamento aki. Ta discuti e plannan aki cu e pashent y si ta necesario ta ahusta nan atrobe.

Di e forma aki e Reso-/departamento di continuidad ta bin cu un programa di trabou propio. Gran parti di esaki ta cai bou responsabilidad di e enfermeronan, cu sosten di un terapista, manera combersacionnan individual entre e pashent y e pb-er. Tin actividadnan cu ta dirigi riba grupo den e departamento manera discusionnan semanal den grupo, discusionnan riba sala, terapia den grupo, combersacionnan individual cu un enfermero, combersacionnan di sistema, actividadnan di training, planning semanal, planning di weekend y evaluacion di weekend, terapia ocupacional, terapia di trabou y terapia di movecion.

Kico ta e Departamento Residencial?
E departamento residencial a keda realisa na 1997. E departamento aki ta pa clientenan sikiatrico cronico. E clientenan realmente ta biba den e departamento aki. E departamento tin espacio pa 21 cliente. Ta trata aki di clientenan cu pa motibo di nan malesa sigico no por funciona mas den comunidad den forma independiente. Edad di e clientenan ta varia di adulto pa anciano.

Meta di e departamento residencial ta:
Ofrece un clima di biba proteha na clientenan sikiatrico clinico.

Como consecuencia di e meta, enfasis ta wordo poni riba e departamento, specialmente riba e situacion residencial. Ta trata di crea un ambiente casero den e departamento. Ta ofrece un programa varia, cu tin como meta mantene e capacidad actual di e clientenan y/of pa sigui desaroya esaki. Pa cu esaki ta tene cuenta cu e posibilidad y handicapnan di un persona. Pa medio di revalidacion ta trata di preveni deterioro fisico di e clientenan. Ta tene cuenta den tur e programanan cu e dependencia y interes di e cliente. Pesei tin tambe programanan individual y den grupo. Cada cliente ta wordo mira como un individuo y for di esei ta wak loke ta sosode den grupo.

Reglanan General di Cas di PAAZ:
Pa por mantene un ambiente caminda por biba cu otro den un departamento cu mas pashent, cierto reglanan di cas ta necesario. Ta spera di e pashent cu e ta tene su mes na nan. E reglanan di cas a keda formula cu e meta pa laga e bida diario den e departamento transcuri den bon forma, unda si mester, ta atende e pashent riba su propio comportacion.

Cuido spiritual:
Den hospital tin colaboradornan pastoral den servicio cu por yama e pashent na telefon si e pashent ta desea esaki. Tambe pastor of e colaborador pastoral ta bin tur diadomingo pa mas o menos 13:00 ora na e departamento residencial di PAAZ pa parti santa hostia y pa reza cu e clientenan. Den hospital tin un capiya unda clientenan por haci uso di dje segun nan deseo. Cada 2 siman tin un Santo Sacrificio di Misa den cafetaria di Hospital. Pa cu esaki ta pasa un circulario rond den departamento.

Bo ta bai cas! Y awor?
Servicio ambulatorio:
E pashent ta asina leu cu su tratamento cu e por bai cas. Pero e ta haya conseho pa keda mantene contacto cu PAAZ pa medio di su Servicio Ambulatorio.

Meta di e Servicio Ambulatorio:
Ofrece e cliente un tratamento completo y digno durante dia, unda e pashent por mantene su capacidadnan y/of engrandece nan, teniendo cuenta cu cada individuo. Ofrece structura, stimula pa participa na e servicio ambulatorio.

Kico bo ta haci durante Servicio Ambulatorio?
E Servicio Ambulatorio ta cumpli cu su meta ofreciendo e clientenan actividadnan pa medio di deporte, wega y recreacion (p.e. bishita cinema, come afo, meditacion, canamento etc). Informacion/combersacionnan educativo y lesnan clinico tambe ta tuma lugar. E combersacionnan/lesnan aki ta individual of den grupo. Nan ta dirigi riba duna guia y stimula e desaroyo social, proceso laboral, higiena y independencia pa loke ta trata nan malesanan sikiatrico y somatico. Nan ta duna guia ora e cliente ta biba riba su mes y tur loke esaki ta encera (haci compra, cushina, paga cuenta, control di cas y bishita na cas etc) y tambe nan ta responde riba demanda di e clientenan.

Fuera di e Servicio Ambulatorio tin tambe e programa recreativo y terapeutico ambulatorio cu e cliente por sigui despues cu el a bai cas. Bou e programa recreativo y terapeutico ambulatorio ta compronde: organisa actividad durante dia of parti di dia cu tin como meta ofrece un manera pa yena e dia y ofrece recreacion. E grupo meta ta clientenan sikiatrico cronico:

E meta di e programa ambulatorio recreativo y terapeutico ta:

• Preveni cu un cliente decompensa pa falta di contacto y structura
• Ofrece y mantene e contactonan social cu e clientenan
• Ofrece actividadnan pa stimula actividad fisico (p.e. deporte y wega)
• Stimula y mantene e cuido pa cu A.D.L.
• Preveni clientenan cai den un bida di bagamundo
• Dedica atencion na y stimula desaroyo general.

E departamento di terapia:
E departamento di terapia a cuminsa na 1987 y ta duna espacio na clientenan clinico y ambulante. E departamento di terapia tin diariamente espacio pa 10 te cu 35 cliente. Ta duna terapia di 9:00 te cu 11:00 y di 13:30 te cu 15:00 or. Durante terapia ta tene cuenta cu e plan di tratamento di e clientenan. Nan ta wordo observa y unda ta necesario ta coregi nan conducta.

Meta di e departamento di terapia ta: “Realisa cambio, procesonan di desaroyo y of aceptacion di e cliente pa medio di un aplicacion metodico saliendo for di e aspecto creativo laboral y sinetico y diagnostica adicional.”

Formanan di Terapia:
E departamento ta ofrece e siguiente formanan di terapia:

1. Terapia ocupacional
2. Terapia di movecion
3. Terapia laboral
4. Terapia di hardin
5. Terapia di cushinamento
6. Greenhouse
7. Carwash
8. Actividadnan den aire liber

E compleho di Sala di Operacion ta consisti di dos ‘seccion’; cirugia y
anestesia y ta resorta bou di e departamento di Funcion y Maneho.
E compleho di Sala di Operacion ta un departamento sera y no ta accesibel pa
tur hende ya cu aki nan ta traha bou circumstancianan aseptico hopi severo.
Esaki pa minimalisa e peliger di infeccion. E personal presente riba sala di operacion ta bisti paña special, muts riba cabes, masker y klomp na pia pa reduci contaminacion di e atmosfera. E team cirurgico ta bista paña steril: jas y handschoen steril, pa asina limita e chens di infeccion te na un minimo.

E team cirurgico ta asisti e ciruhano durante operacion mientras e personal di
anestesia ta asisti e anestesiologo durante cu e pashent ta bou anestesia.
Como pashent lo bo tin mas contacto cu e asistentenan di e anestesiologo. Nan ta e personanan cu ta ricibi bo ora bo yega den sala di operacion.

Nos compleho di Sala di Operacion no tin un espacio special pa ricibi pashent, unda abo como pashent por warda prome cu operacion. Tog e compleho di Sala
di Operacion tin un volumen halto di intervencionnan operativo di diferente
indole. Ta pesei mes cu abo, como pashent cu ta bai wordo opera, ta mira masha
actividad mes rond di bo.

E team di operacion ta consisti di diferente diciplina: ciruhano, asistentenan di
operacion, anestesiologiconan y nan asistentenan. Naturalmente ta yama otro
diciplinanan tambe den sala di operacion den caso cu ta necesario. Esakinan lo
por ta asistentenan radiologico. Banda di tur esaki, bo ta topa regularmente e
personal di e departamento central di sterilisacion y departamento di limpiesa
den e compleho di Sala di Operacion.

Pa cada operacion tin 3 asistente-di-operacion cirugia, 1 asistente di operacion anestesia y 3 secretaria. Hefe di OK-Cirugia ta sr. Verio Emerenciana y hefe suplente ta sra. Nina Brito-Kelly.

Den nos departamentonan ta tuma lugar operacionnan di complexidad abou te di nivel halto den e siguiente specialisacionnan:

• Cirugia General
• Gynacologia
• Ortopedia
• Oftalmologia
• Neurocirugia
• Cirugia plastico
• K.N.O.
• Urologia
• Cardiologia

De bes en cuando e pediatra y internistanan tambe ta haci uso di e sala di operacion.

E departamento ta consisti di 5 sala di operacion, ademas tin un sala policlinico
pa operacionnan di wowo (banda di e Sala di Parto) unda nos personal ta na nan
disposicion tambe. Anualmente nos ta yuda mas o menos 9700 pashent, clinico
(interna den HOH), pa medio di Cuido Ambulatorio of policlinico.

E Landslaboratorium Aruba ta reparti den diferente locacion cu e siguiente specialidadnan:
 Kimica & hematologia clinico (Dr. Horacio Oduber Hospital, Oranjestad/Centro Medico San Nicolas)
 Hefe di departamento: Sr. Dr. R. Wever, Kimico clinico
 Patologia (Dr. Horacio Oduber Hospital, Oranjestad)
 Hefe di departamento: Sra. Dr. C. Texier-Verhelst, patologo
 Microbiologia, consistiendo di Bacteriologia & serologia (Dr. Horacio Oduber Hospital, Oranjestad/Playa)
 Hefe di departamento: Sr. Dr. W. Salazar, docter-microbiologo
 Administracion Accounts Payable (Dr. Horacio Oduber Hospital)
 Administracion Medico Patologia (Dr. Horacio Oduber Hospital)
 Administracion Accounts Receivable (Oranjestad)
 Administracion Financiero (Oranjestad)
 Administracion Medico (Centro Medico Rudy Engelbrecht)
 Deposito (Dr. Horacio Oduber Hospital)

Lugarnan pa prik sanger:
 Prik-poli Dr. Horacio Oduber Hospital, Tel: 58 74300 ext. 239
 Prik-poli Laboratorium Oranjestad, Caya Ing. R.H. Lacle #4, Tel: 58 21124/58 21125
 Prik-poli Dakota, Avenida Milio Croes #106 (AHMO Building),
Tel: 58 38145
 Prik-poli Laboratorium Piedra Plat, Piedra Plat #44-3 (Shon Building), Tel: 58 52230
 Prik-poli Centro Medico Rudy Engelbrecht, Pastoor Hendrikstraat #10, San Nicolas, Tel: 58 48812.

 

Adres:
Horacio Oduber Hospital
L.G. Smith Boulevard z/n
Oranjestad
Tel. (+297) 587 4300 ext. 240 (departamento HRM)

Hefe di Landslaboratorium: Sr. R.D.J Franken, M.Sc.
Caya Ing. R.H. Lacle #4
Oranjestad
Tel. (+297) 582 1124

Kimica & hematologia clinico
E specialidadnan aki ta reparti entre Dr. Horacio Oduber Hospital na Oranjestad y Centro Medico na San Nicolas. Den cual caso cu hospital ta efectua mayoria di e testnan. Centro Medico ta un centro medico situa na San Nicolas, unda un cantidad limita di test ta keda efectua. Tambe tin dos prikpost na Dakota y na Piedra Plat.

Testnan di laboratorio cu ta tuma lugar a base rutinario ta, e.o.:
 Kimica: Na, K, Li, glucose, kreatinine etc.
 Chromatografia
 Flowcytometria: diffen Hb, Ht etc.
 Coagula: aptt, pt etc.
 Diffen manual
 Recepcion di muestra
 Lab di orina: sedimento

Departamento di microbiologia
E departamento aki ta reparti entre dos seccion:
 Seccion di serologia infeccional & immunochemie
 Seccion di bacteriologia & parasitologia

Seccion serologia infeccional & immunologia
Testnan cu ta keda determina akinan ta:
 Test serologico viral: hepatitis A/B/C, HbsAg, anti HOV, Rubella etc
 Serologia bacterial & parasital: ASO, amoebiasis antibody, chagas IgG etc.
 Serologia di malesa auto-imuno: ANF, AMA, ASMA, APCA etc.
 Kimica imuno: transferrine, microalbumine (orina), haptoglobina etc.
 Nivelnan antobiotica: gentamicine

Seccion bacteriologia & parasitologia
Testnan cu ta keda efectua akinan ta:
 Testnan bacteriologico: preparato di Gram, Chlamydia, Legionella etc.
 Testnan microbacteriologico: preparato Ziehl-Neelsen, cultivo di TBC
 Testnan mycologico: preparato KOH, Crytococcen, schimmel y gist
 Testnan parasitologico: ameba, kiste y webonan di bichi etc.
 Demas test: sanger oculta, pH, digestion etyc.

Patologia
Ta ofrece espacio pa testnan citologico y histologico:
 Immunohistokimica: mammacarcinoma
 Teknica histologico rutinario: manera fries coupes y slais nan
 Histologia rutinario: tiña manera Giemsa, hero, reticulina etc
 Cytologia: cervix (PAP), diagnostico no-ginecologico (punctatnan, orine etc)
Obduccion: medico/husticial

Pa aña nos tin mas o menos 1.300 te cu 1.450 parto den Horacio Oduber Hospital. E personal di e departamento di parto ta profesional y critico. Ta reina un ambiente agradabel, cu bon coperacion y consulta mutuo, cu esnan cu ta duna tratamento y cu e otro diciplinanan.

E orario di bishita ta di 11:00 te cu 13:00 y di 17:00 te cu 20:00 ora.
Pa e pareha tin bishita continuo for di 9or di mainta te cu 8or di anochi, esaki pa motibo di e participacion di mayor. Pa mas informacion bo por tuma contacto cu e secretaria di departamento, Velma Manuela, verlosafdeling@arubahospital.com

Meta di e Departamento di Parto ta:
Guia e mama pa loke ta trata su cuido hygienico.
Guia e pashent y su pareha den cuido di nan baby, di forma cu nan por haci e cuido aki na cas tambe.

E departamento di parto ta reparti den 3 unidad di cuido, e sala di evaluacion, e salanan di duna lus y e Med/High Care.

Unidad 1, Sala di Evaluacion
Den e sala di evaluacion ta evalua tur pashent na momento cu nan drenta. Un control rutinario pa e persona cu ta trata e pashent of pa un persona cu un problema di parto of cu ta pensa di ta den partus. Evaluacion ta consisti di: intercambio di informacion mutuo, control di C.T.G y vital signs. Despues ta consulta cu e persona cu ta trata e pashent tocante e protocol cu ta sigui of si acaso e pashent por bolbe cas. Den caso di emergencia e pashent ta bai stret pa e sala di duna lus.

Unidad 2, Salanan di duna lus
Entre cada 2 camber tin un espacio caminda ta ricibi e baby. Cada uno tin e ekiponan adecuado pa e specialismo. Den e sala di duna lus, na prome instante, ta bai e pashentnan in partu. Tambe e pashentnan pa iniciacion individual. Akinan nos ta ofrece un cuido completo, guia, apoyo y cuido personal di e mama na estado y su pareha/famia cerca, antes, durante y despues di e partus.
Tambe e trato y cuido general di e baby te ora e pasa pa e departamento di Maternidad.

Unidad 3, Medium/High Care
Aki ta interna e pashentnan di Medium te cu High Care cu entre otro:

• Diabetis desahusta
• Retraso den crecemento di e baby
• Infeccion di e canalnan di orina
• Syndroma di H.E.L.L.P
• Awa cu a kibra demasiado tempran
• Observacion despues di un accidente di auto y/of otro trauma
• Pelvis instabi
• Tambe otro situacionnan instabil, cu por ta un peliger pa mama y/of yiu.
  
  

Na HOH e departamentonan di cuido medico no ta reparti segun specialisacion, pero segun e aseguro di e pashent. Pashentnan cu ta sigura pa 3e klas, ta keda interna riba e departamento di Cirugia of Departamento Interno. Pashentnan cu tin un seguro particular (1e y 2e klas) ta bai riba departamento di Klasse.

E departamento di Klasse tin lugar pa 46 pashent. E departamento ta consisti di 20 camber di 2-persona y 6 camber di 1-persona. E departamento ta dividi den 2 unidad cu cada uno nan mesun team. Cada team ta duna cuido na 23 pashent. E malesanan riba e departamento di klasse ta diverso, ya cu tur specialisacion ta keda representa akinan, (por ehempel: Interno, Cirugia, Neorologia, Ortopedia etc).

E meta di e departamento di Klasse ta pa ofrece un calidad halto di cuido na e pashent y su famia, manteniendo na e imagen humano holistico. Esaki lo mester conduci na un individuo satisfecho y cu ta gosa di un bon salud. Pa alcansa e resultado aki, ta rekeri un colaboracion intensivo entre e coleganan cu ta traha den e diferente diciplinanan.

Personal
Riba e departamento ta traha un hefe di departamento, (Marjo Scholl), hefenan suplente, enfermeronan, asistentenan di enfermero, ayudantenan di cuido, alumnonan, asistentenan di cuido, asistentenan di nutricion y secretarianan.

Tur dia ta boga pa tin un bon team di personal pa garantisa e calidad di cuido. Den e shiftnan di mainta ta reparti e teamnan den dos sub-team cu ta responsabel pa 11 te 12 pashent. E enfermeronan tin e responsabilidad final den esaki. Como cu ta traha cu dos diferente nivel, colaboracion ta di vital importancia.

Den e shift di atardi (cu 3 persona) y e shift di anochi (cu 2 persona) bo tin e encargo di henter e unidad (max. 23 pashent).

Pa mas informacion, bo por tuma contacto cu e hefe di departamento Marjo Scholl.

Na Aruba nos tin un comunidad multicultural y tin biaha por sosode cu nos tin mas mucha y mayornan latino. E idioma por bira un barera den casonan asina. Nos meta ta pa ofrece cuido medico, cuido den hospital y guia na un forma optimal. Pa e motibo aki nos ta mantene participacion di mayor; un opcion cu activamente ta haci uso di dje.

E forma di traha den e departamento ta altamente dirigi riba e pashent. Nos colaboradornan pedagogico ta guia e muchanan y ta tene nan ocupa di manera cu nan ta kita nan atencion of den tur forma nan ta purba di reduci e consecuencia traumatico di nan estadia den hospital. E departamento ta duna guia di huiswerk tambe si ta desea esaki.

Den e departamento di mucha ta traha cu dos team cu ta cambia cada luna. Un team ta responsabel pa e unidad di sala, di couveuse y camber di baby y e otro team ta responsabel pa e unidad di isolacion.

E departamento di mucha ta reparti den 3 unidad. Entre otro:

Unidad di isolacion:	10 cama cu por wanta te 12 cama.
Unidad di Sala:	7 cama cu por wanta te 10 cama.
Unidad di Couveuse:	5 couveuse cu un posibilidad di 2 curespiracion artificial.
Camber di Baby:	6 cama.

Personal:
Hefe di departamento
Veronica Vermeulen

2 leidster di team
5 docter di mucha
12 enfermero
1 asistente den erfermeria
1 ayudante
2 colaborador pedagogico
1 secretaria di departamento
1 asistente encarga cu transportacion
2 asistente di departamento

Otro diciplinanan cu ta traha tambe den e departamento:
Asistentenan di cushina y empleadonan di housekeeping.

PashentnanE pashentnan ta cai den e categoria di edad di 0 te cu 14 aña.E malesanan cu mas ta presenta den nos departamento ta:

• Bronchitis / Bronchiolitis
• Bronchopneumonia
• Gastro-enteritis
• Gastritis
• Asma
• Pashentnan asmatico

E Pashentnan:
Mayoria di e pashentnan ta hendenan grandi. Malesanan cu mas ta ocuri ta: malesa di sucu [diabetes mellitus], CARA/COPD, CVA, malesanan cardiovascular, malesanan di pulmon, malesanan contagioso, enfermedadnan neurologico, pashentnan cu malesa di cuero, malesa di rion, pashentnan demente cu mester di cuido y tratamento, pashentnan terminal, pashentnan cu carcinoma. E complexidad di cuido di e pashentnan aki por varia di nivel abou te halto.

Specialistanan Internistanan: Neorologonan: Cardiologonan: Ciruhanonan: Dermatologonan: Sykiatranan: Nefrologonan: Urologonan: Anesteticonan/maneho di dolor: Neorociruhanonan:

Diëtista: Trahado social: Ergoterapista: Fysioterapista: Enfermero di Oncologia Hygienista di Hospital: Laborantnan: Colaborador pastoral: Enfermeronan di maneho di dolor.

E meta di e departamento aki ta, pa medio di diferente test medico, determina e diagnostico pa tratamento medico corecto di un enfermedad. E departamento ta consisti di un seccion di curason/pulmon y un pa neurofisiologia clinico. E departamento ta bon ekipa cu tur aparato cu ta necesario pa haci e testnan rekeri.

E seccion aki ta cai bou di e Departamento di Funcion y Tratamento. E personal ta: un tecnico di laboratorio pa e funcion di curason/pulmon, neurofisiologico clinico, un secretaria y un hefe di departamento.

Pa loke ta trata e organisacion y e maneho, tur hende ta traha den team, cu comunicacion habri y ta copera bon cu otro.

E departamento ta habri di dialuna te cu diabierna di 07:00 – 15:00 y ta accesibel na telefon (+297) 587 4300 extension 170. Bo por haci un cita solamente via e secretaria, despues cu bo a haya un carta di referencia di un specialista. Un docter di cas por pidi solamente un EEG.

E testnan cu ta conduci actualmente ta:

ECG (Electro Cardio Gram)
Registracion di e actividad di curason. Ta pega stickers cu waya y drachi riba e pecho cu ta registra actividad di e curason. E test no ta haci dolor y ta dura un 5 pa 10 minuut.

Vigilancia Holter
Durante 24 ora ta registra tur actividad di e curason, mientras bo ta haci bo trabounan di tur dia. E pashent ta haya un buki pa uso diario y un sorto di walkman cu waya y 5 drachi, cu nan ta plak riba cuero.
Riba dia di samina, ta consehabel pa bisti un paña cu ta sinta bon y cu no ta preta na curpa. Tanten e holter ta pega na bo curpa, bo no por baña. E aparato no por muha.

E test di Ergo/stress of Test di Ehercisio Intenso
E test ta dura 30 minuut. Ta haci un test di stress pa determina e condicion, e ritmo di e curason y e efecto di remedi durante e ehercisio y si e arteria coronario por a sera. E test ta wordo haci riba un treadmil y cada 3 minuut ta cambia e velocidad y e haltura. Ta consehabel pa bisti keds y paña deportivo. Durante cu ta samina e pashent, ta registra e actividad di curason y presion di sanger continuamente.

 

Echocardiogram, metodo 2D/M y Dopplertest di color
E test ta tuma 30 minuut. E test aki ta determina con e funcionamento di e valvulo of clepnan di curason y e pomp di curason ta funciona. E test aki ta determina e grandura di e diferente partinan di e curason, mientras cu cualke cicatris visibel por wordo señala. E test di Doppler ta duna ademas informacion tocante e velocidad di e movecion di curason y e fluho di sanger. Durante e test e pashent mester drumi riba su banda robes. E parti ariba di su curpa ta keda sunu y e tecnico di laboratorio ta usa un microfon hunta cu gel ora di samina e pashent.

Dobutamine Stress Echocardiografia
E test tin un duracion di 30 pa 45 minuut. E test aki ta pa pashentnan cu no por haci un test di ehercisio intenso. Pashentnan ta haya un pomp di infuus cu remedi (dobutamina) cu ta haci e curason bati mas lihe. E pashent mester drumi riba cama y e presion di sanger y e actividad di e curason ta wordo registra continuamente.

Echo di Garganta/TEE (Trans Esophageal Echocardiography)
E test ta dura mas o menos trinta minuut. Via ultra sound ta evalua e funcionamento di e musculo di curason y e clepnan di curason via e garganta. Pa por haci esaki e pashent mester guli un slang. Pa e test aki bo ta haya anestesia local suave. P’esei ta consehabel pa bai cu un hende pa ora di bai cas bek. Pa e test aki bo mester ta na yuna.

Manioba di Valsalva
E test tin un duracion di 15 minuut. E test ta pa detecta disfuncionamento den circulacion.Ta pone un clem riba nanishi di e pashent. Pa 30 seconde e pashent mester supla den un hangua bashi. E pashent mester sinta pa controla e presion di sanger y e actividad di su curason.

Midi gas den sanger arterial
Duracion di e test ta dies minuut. E test di sanger arterial ta wordo haci via e arteria di pols of for di e arteria di las.

Test di Hiperventilacion
E duracion di e test ta di binti minuut. Ta haci e test pa wak si por imita e kehonan di e pashent y/of si dor di e fayonan den respiracion e hiperventilacion ta cuminsa. Durante e test ta saca sanger capilar for di e puntanan di dede di e pahent. E pashent ta haya tambe un tubo chikito na unda e mester saca rosea pa tres minuut. Continuamente e presion di sanger y e actividad di e curason ta wordo registra.

 

Midimento Ambulatorio di presion den sanger durante 24 ora
Duracion di e test ta 15 minuut. Cu e test aki por prueba cu hiperventilacion ta mara na, por ehempel, presencia di un docter, tension, etc. Dor di esaki por evita exceso di remedi. E pashent ta haya pa hiba cas, un aparato portatil cu cada ½ ora ta midi e tension den sanger. Durante e test e pashent no por baña, (aparato no por muha). Ta wordo conseha pa e dia ey, bisti paña cu ta sinta bon y nada preta na bo curpa.

EEG (Electro Encephalo Gram)
Duracion di e test ta di 30 pa 45 minuut.
E test aki ta pa registra actividadnan electrico di e sesonan.

EMG (Electro Myo Grafie)
Duracion di e test ta di 20 pa 30 minuut. Esaki ta un registracion di e actividad electrico di, tanto e tehido muscular como nervioso.

ENG (Electro Nystagmo Grafie)
Duracion di e test ta di 45 minuut.
Ta samina e organo di ekilibrio dor di midi e movecionnan den wowo.

Evoked Potentials
Tin tres sorto di test, esta
1. VEP (Visual Evoked potential)
Duracion ta 30 minuut. Ta midi e duracion di tempo cu un estimulo visual ta tuma di e retina pa e cortex cerebral.
2. BAEP (Brainstorm Auditory Evoked Potential)
Duracion 30 minuut. Ta midi e duracion di tempo cu e estimulo di sonido ta tuma pa e stam cerebral.
3. SEP (Sonato Evoked Potential)
Duracion un ora. Ta midi e duracion di e tempo di un estimulo di heful di cuero pa e medula [tutu] den bo lomba y e cortex celebral.

Na momento cu un docter di pulmon a drenta servicio na HOH, a busca un aparato pa samina funcion di pulmon. Cu e aparato aki ta posibel awo pa samina funcionnan di pulmon den forma amplio.

 

Riba e departamento di dialyse ta trata pashentnan cu tin un problema di funcionamento di rion cronico of agudo pa medio di un rion artificial. E pashentnan ta bin hospital 3 bes pa siman pa tratamento. Un tratamento asina ta dura mas o menos 3 pa 4 ora. Despues di esaki e pashentnan por bai cas bek. Esaki ta tuma luga riba dianan fiho di dialuna pa diasabra.

Mayoria di dialysenan agudo ta tuma lugar riba Cuido Intensivo of Cuido Medio. Durante tratamento e enfermeronan ta controla e pashentnan den forma intensivo y nan ta duna asistencia di biaha den caso cu ta necesario. Tambe e Nefrologo ta presente den casonan agudo.

E dialyse peritoneal tambe ta sosode den hospital y ta tuma lugar den e trailer. E pashentnan aki ta wordo entrena den hospital y nan mes lo por haci e tratamentonan aki na cas. Prome e pashent ta haya un slang den nan bariga di forma cu nan por haci e cambionan cu likidonan special.

E pashentnan ta wordo conecta cu hangua of pa medio di un cateter na e mashin. E mashin ta haci e procedura y e enfermeronan ta controla e mashinnan y e pashentnan cada ora. Si surgi problema, e enfermeronan por actua di biaha y si ta necesario yama docter. Despues di e tratamento, ta kita e pashentnan for di e mashin y ta duna e sanger bek na e pashentnan. Ta saca e hanguanan y despues di esaki, e pashentnan por bai cas bek.

Orario di Trabou:
Dialuna, diaranson y diabierna 07:00 – 22:00
Diamars, diahuebs y diasabra 07:00 – 19:00

Oranan di Tratamento ta riba:
Dialuna, diaranson y diabierna 07:00 – 12:30 - 16:30
Diamars, diahuebs y diasabra 07:30 – 13:30

Hefe di Departamento:
Nomber: Arthur Roosberg
Telefon: (+297) 587 4300
Email: arthurrilely@arubahospital.com

Hefe suplente di departamento:
Nomber: Merdeith Pabon-Ras
Telefon: (+297) 587 4300

E Departamento di Dieta tin como tarea principal duna guia na un diversidad di pashentnan clinico. Ofrece un situacion nutritivo optimal durante e temporada den hospital di e pashent, ta loke e departamento ta keda boga pe cu e meta pa reduci e periodo di hospitalisacion di e pashent/clientenan.

Banda di esaki e departamento ta ofrece tambe lesnan clinico na colaboradornan di Dr. Horacio E. Oduber Hospital y tambe ta duna sesionnan informativo den grupo pa pashent/clientenan diabetico y cu problema di rion.

E servicionan di e departamento ta solamente pa pashentnan clinico y ta basa riba un peticion pa consulta di e specialista cu ta trata e pashent.

E Departamento di Dieta ta den e Flatgebouw camber 020 [piso abou].
E departamento ta cai bou di e Hefe di Departamentonan di Funcion y Maneho y tin 2 dietista fiho y fulltime den servicio.

Numbernan di Telefon:
(+297) 588 4300 ext. 337
(+297) 587 4300 y laga page nan

Orario:
07:00 – 12:00 ora
12:30 – 15:30 ora
Dialuna pa diabierna

Dietistanan:
Patricia M. Boekhoudt-Bislip
Geraldine Tromp

E departamento di Cirugia ta riba e di dos piso di hospital y tin 66 cama. E departamento ta consisti di dies camber-di-seis persona y seis camber di un persona y ta reparti den seis unidad. Cada unidad ta bou guia di un enfermero.

E departamento ta reparti den 2 hala. Cada hala ta bou guia di un hefe suplente. E departamento tin un team di personal masha entusiasma, cu ta trata di duna e miho cuido posibel. E pashent tin hopi di bisa den e cuido aki. E departamento tin su mesun docter [docter di piso] cu ta duna sosten na e specialistanan y cerca kende e pashentnan semper por acudi tambe. Riba e departamento tin tambe un grupo di studiante di enfermeria.

Riba e departamento aki ta interna pashent cu diferente proyeccion di malesa, entre otro pa: Ortopedia, Cirugia Plastico, Urologia, Gynecologia, Neurocirugia, Oftalmologia [oculistanan], Cirugia pa Garganta, Nanishi y Horea y Cirugia General.

Vision di e departamento ta pa ofrece un servicio optimal y duna cuido na e pashent y su famia, garantisando e derechonan di e pashent. Necesidadnan individual di e pashent ta punto di salida den e caso aki.

E departamento ta bou guia di e Hefe di Departamento Hans Rokebrand. Semper por papia cu ne si tin cualke remarca of keho.
Email: h.rokebrand@arubahospital.com

 

E hefenan suplente ta:
Emelie Fitz-Verploeg
Onaya Tromp

Pa informacion mas detaya tocante e departamento aki bo por bishita nan mesun website: http://www.geocites.com/chirurgiehoh
Riba e departamento ta duna tambe lesnan clinico, un programa di esaki bo por haya riba: http://www.geocites.com/klinischeles/les.html

Fundacion Banco di sanger Aruba, den su formacion actual (como fundacion) a drenta den funcion dia 1 di januari 1981. E meta di e Banco di Sanger ta pa, na un manera mas safe posibel, entrega e productonan di sanger ora tin mester, na e pashentnan di Dr. Horacio Oduber Hospital cu mester haya sanger.

E banco di sanger y e servicio di transfusion ta consisti di 4 sector intregal: e seccion di donante, e seccion di componentenan di sanger, e laboratorio y administracion. E laboratorio ta clasifica den un seccion di immunohematologia y serologia viral. Ademas e banco di sanger ta ofrece e siguiente servicionan na Hospital: Apheresis, cell saver y transfusion di sanger policlinico na pashentnan cu no a wordo interna den hospital, e ultimo aki, claro den forma reduci.

Banco di sanger ta existi danki na e por lo menos 4.500 boluntarionan riba un poblacion di mas o menos 100.000 habitante. Donantenan fiho ta wordo yama 2 te 3 biaha pa aña (tin biaha te 4 biaha) pa duna cada bes ½ liter (500ml) di sanger, esaki dependiendo di e tipo di sanger y/2 of e Rheuses. Tur donante, sea nobo of fiho, ta haya cada bes cu nan bin duna sanger, un cuestonario di salud pa yena y ta test nan riba HIV, hepatitis B y C, HTLV y sifilis. Pa por bin na remarca, un boluntario mester ta entre 18 te 65 aña di edad, bon di salud y practica un estilo di bida saludabel. Un donante no por pisa menos di 50 kilo (110 liber) y mester tin un hemoglobina (hero den sanger) di mas o menos 12.5 g/dl (38% hematokriet). Un donante por keda duna sanger te cu su 70 aña, con tal cu e ta bon di salud. E componentenan di sanger cu banco di sanger ta traha tur dia ta globulonan cora (packed) plasma fresco congela y trombocyte (plaketnan di sanger). Esun mas pidi ta e globulonan cora; e producto aki ta yuda un pashent anemico aumenta su nivel su hero den sanger. Dr. Horacio Oduber Hospital ta efectua casi 3000 transfusion di sanger pa aña. Esaki ta posibel dor cu e globulonan cora por wordo warda den e frishider di e banco di sanger te cu 35 dia, na un temperatura di 2 pa 6 grado Celsius. Por conserva plasma fresco gefries te cu un aña den freezer na un temperatura di por lo menos 18 grado Celsius. Por conserva trombocyte solamente 5 dia na un temperatura di 20 pa 22 grado Celsius. Pa cu esaki ta usa un trombocytenmixer. E ultimo 2 productonan di sanger ta wordo pidi solamente pa pashentnan cu tin problema cu coagulacion di sanger.

E personal di Banco di sanger ta consisti di:
1 Director Medico
1 Manager di departamento
1 Enfermero gradua
3 Tecnico Medico
1 Secretaria

E trabou na Banco di Sanger ta fascinante, pero cu hopi reto. Entre otro bo ta siña accionnan tecnico adicional y siña carga responsabilidad. Ademas bo mester ta flexibel pa bo por adapta na situacionnan repentino.

E orario di Banco di Sanger ta di dialuna pa diabierna di 8.00 te 16.00.
Por tuma contacto cu Banco di Sanger via:
Telefon (297 58 74260
Fax (297) 58 72174
E-mail bloed@setarnet.aw
Personanan di contacto ta Vivian Lampe, manager di e departamento y Dr. O. Anaya, Director Medico.

 

.

E departamento di Cuido Ambulatorio ta pa pashentnan cu mester haci un operacion chikito of mester haci un test y unda ta necesario pa nan permanece algun ora den hospital despues di e operacion of test aki.

E departamento aki ta admiti adulto como mucha y tin 14 cama cualnan por hasi uso te cu tres bes pa dia di nan.

E departamento ta habri di 6:50 AM te 18:00 PM.

Di antemano caba e specialista a palabra e operacion cu e pashenty a splice tambe cu 12 ora prome cu e operacion no por come ni bebe nada. E estadia den hospital ta di duracion cortico y asina cu e pashent recupera di e anestesia y  su situacion general ta permiti esaki, e pashent por bai cas bek.

E enfermeranan por sigui vigila bo y ofrece bo e cuido necesario pero normalmente bo por bai cas bek durante curso di dia.

Den e unidad di Cuido Intensivo pashentnan cu defecto den e funcionnan vital ta wordo trata y vigila. Ta posibel pa auxilia e funcionnan vital aki y den caso cu ta posibel remplasa nan funcion. P’esaki ta haci uso di recursonan tecnico y sofestica y di un team specialisa di medico y enfermeronan, den un ambiente specialmente ekipa pa esaki.

E seccion tin 5 cama. E populacion di pashent ta consisti di pashentnan cu un variedad grandi di patologia na unda posibel recuperacion di e disfuncionamento of fayonan di e funcion(nan) vital y e bentaha di hospitalisacion relaciona cu esaki, ta caracteristicanan importante. E team di Cuido Intensivo ta consisti di un intensivista [un docter specialisa den cuido intensivo], enfermeronan di IC, un secretaria y un asistente di departamento.

Hospitalisacion/estadia y retiro di e pashentnan:
E specialista encarga ta responsabel pa admision di e pashent y den consulta cu e intensivista, ta determina si e pashent ta wordo interna den Cuido Intensivo. Tur pashent ta wordo discuti den un asesorio multidisciplinario y e intensivista hunto cu e specialista encarga ta formula e maneho pa cu e pashent.
Frecuentemente ta haci un evaluacion di e estadia di pashent pa asina maximalisa su hospitalisacion. Generalmente ta retira un pashent for di cuido intensivo ora su funcionnan vital no ta rekeri sosten artificial y of tratamento mas. Segun un sistema di asignacion, ta reparti e pashentnan entre e enfermeronan.

E maneho di e departamento aki ta den man di Dr. Benjamín Croes como hefe medico, George Rodríguez como hefe di enfermeria y Andie Philip como hefe suplente di Enfermeria.

Structura Organisatorio:
E seccion di Cuido Especial tin como subseccionnan:
• Unidad di Cuido Intensivo
• Unidad di cuido Coronario/ Unidad di Medium Care
• Cardiologia/seccion Shortstay

Den e unidadnan di Cuido Coronario [CCU] y Cuido Medio [mcu] ta interna pashentnan cu fayonan coronario y cardiaco. E posibilidad ta existi pa observa, auxilia y si ta posibel remplasa e funcion vital cu ta fayando. Ta haci uso di recursonan tecniconan y di un team di medico y enfermeronan specialisa, den un ambiente specialmente ekipa p’esaki.

E departamento tin 5 cama di cual 4 ta pa cardiologia y un pa neurologia. Si tin scarsedad y den caso di urgencia, pashentnan di otro specialismo (otro enfermedad) ta wordo interna. Tin biaha e pashentnan ta di diverso patologia na unda ta boga pa recuperacion di e disfuncionamento of fayonan di e funcion(nan) vital. Solamente den casonan di urgencia pashentnan di CCU/mcu ta haya respiracion artificial. E team di CCU/mcu ta consisti di Cardiologonan, enfermeronan di IC/CCU y un back-up team di colaborador.

Hospitalisacion/estadia/retiro di pashent:
E specialista encarga ta responsabel pa admision di e pashent y e Cardiologo hunto cu e specialista encarga ta dicidi si e pashent ta wordo hospitalisa den CCU/mcu. Evaluacion frecuente di nan indicacion di estadia ta necesario cerca hopi pashent pa asina maximalisa e capacidad di admision. Generalmente un pashent ta wordo retira for di CCU/mcu na momento cu e funcionnan vital no mester mas di cuido y/of tratamento. Segun un sistema di asignacion, e pashentnan ta wordo asigna entre e enfermeronan.

E maneho di e departamento ta consisti di George Rodríguez como hefe di enfermeria y Anthonie Tromp como hefe suplente.

Structura di e organisacion:
E departamento di Cuido Special tin subseccionnan:
Unidad di Cuido Coronario/ Cuido Medio.
Cuido intensivo
Cardiologia/seccion di shortstay