• slider_sm.png

News

Entrada departamento di emergencia

Dr. Horacio E. Oduber Hospital den su empeño pa mantene tur hende bon informa kier recorda tur bishitante cu e localidad di Departamento di Emergencia a cambia desde november 2017. Departamento di Emergencia ta situa den e Toren nobo, esun mas halto, na e piso ful abou (ground floor/begane grond).  Na e edificio aki cual ta esun mas halto tin suficiente luga pa parkeo pa tur bishitante di nos Departamento di Emergencia cu ta habri 24ora pa dia y 7 dia pa siman. Corda cu e orarionan di dokter na warda ta di dialuna pa diabierna di 6.30 di atardi pa 10.30 di anochi y durante weekend y dianan di fiesta di 9 am pa 1pm y di 6pm pa 10pm. Pa mas informacion por subi Hospital su facebook pagina!

 seh klein

 

Renobacion na e edificio principal por causa algun molester den e lobby na e entrada principal

 

Actualmente manera ya tur hende por a nota Hospital ta trahando duro riba construccion di un miho futuro. Awor ta toca turno na e edificio principal/actual unda lo cuminsa cu trabounan di renobacion. Lo tin algun inconveniencia den e lobby na e entrada principal di Hospital. Ya caba a cera e sala di conferencia unda cu temporalmente e botica lo bay ubica pa asina nan por renoba dicho departamento. Esaki tambe ta nificia cu tin mester cera parti di e cafetaria unda por sinta come. E bishitante por busca cuminda manera normal y tin un area traha parti pafo cu por sinta come. Tambe tin un localidad temporario pa e departamento di Opname net otro banda unda nan tabata antes. Asina tambe nan por renoba eyden. E kassier tambe a muda y ta ubica na final di e gang di lobby.

Esaki ta nifica cu tin menos espacio den e lobby y e trabounan aki lo por bay tin un impacto riba e pashent y bishitante cu tin cu bay na e departamento di Radiologia/MRI of LAB HOH of pa bishita un ser keri cu ta interna den Hospital. Lo por tin molester di zonido door di boramento y no por evita cu por stroba e pasada liber di pashent y di bishitantenan pues pa cu esaki nos ta pidi nos disculpa pa cualkier inconveniencia na momento di mester bay na cierto departamentonan di nos Hospital.

Hospital ta un luga dinamico, pues constantemente tin cos cu por pasa den cuadro di emergencia  y esey tambe ta pone cu por tin cierto inconveniencia. Por ehempel hendenan den rolstoel of riba cama. Claro cu den casonan asina mester laga nan pasa y sigur lo tene bon cuenta cu esaki. Ademas, ta cumpli cu e rekisitonan di ICRA (Infection Control Risk Assesment) ora di construi y/of renoba. Esaki kiermen cu semper ta percura pa tin control riba cierto factornan manera higiena y siguridad.

Aunke cu e ta un poco fastioso, tur esaki ta pa un miho futuro y un edificio renoba cu ta brinda mas siguridad y privacidad pa e pashent.

Di parti di Directiva di Hospital, staf y personal y alabes  e team di construccion ta pidi disculpa pa e inconveniencia aki.

 

 

Temporary division of HOH departments Tower A: principal buildingOverzicht Tower A and B intranet updated