Un gran cantidad di hende ta haci uzo diariamente di e servicionan di Dr. Horacio E. Oduber Hospital. E hendenan aki ta drenta den contacto cu un cantidad grandi di e 800 miembronan di personal cu ta traha na hospital. E personal ta haci su esfuerso pa percura pa e contactonan aki bay mas agradabel y eficiente posibel. Asina mes di tur motivacion y esfuerso di e personal, por pasa cu un di nos servicionan no a satisface bo expectativanan completamente. Tambe por pasa cu e dunamento di servicio no tabata loke bo a spera di dje. Ta di suma importancia cu e situacionnan aki yega na nos oido, pa asina nos por trece mehoracion unda ta necesario. Haciendo esaki, hospital ta percura pa e calidad di cuido keda proporcional y constante.
E miho manera pa expresa bo malcontento ta pa papia di esaki cu e persona[nan] kende segun bo ta responsabel pa esey. Esaki ta e manera mas rapido pa elimina e causa di e malcontento cu tin cerca bo persona. Si bo no ta satisfecho cu esaki, of bo ta prefera di discuti bo malcontento cu un otro prome, bo por tuma contacto cu e funcionario di keho. E ta duna bo informacion y conseho pa cu e posibilidad nan pa yega na un solucion.
Bo por tuma contacto cu e funcionario di keho di dialuna pa diabierna, entre 11or y 3or na number di telefon 527 4000 extension 4444 of manda un e-mail na kf@arubahospital.com.
Pa expresa bo malcontento, bo por manda un carta of haci uzo di un formulario di keho. Bo por baha e formulario for di e website aki y print e. Despues bo por manda nos e. E funcionario di keho ta tuma contacto cu bo dentro di 10 dia despues cu el a ricibi bo keho. E formulario ta den un file di ‘pdf’. Pa por lesa of print esaki, bo mester tin Acrobat Reader instala riba bo computer. Si bo no tin e programa aki ainda, bo por download e gratis.
E carta of e formulario bo por dirigi na:
Dr. Horacio E. Oduber Hospital
Na atencion di: Funcionario di Keho
Dr. Horacio E. Oduber Hospital Boulevard # 1
Oranjestad, Aruba