Bo a wordo referi pa e departamento di Cuido Ambulante pa haci un test of pa un operacion [chikito]. Kico esey ta encera? Despues di e test of operacion, bo ta keda un rato den Hospital, pero bo no ta pasa e anochi den Hospital. E departamento di Cuido Ambulante ta situa riba prome piso y number di telefon ta 527 4000 extension 4251.
Primi pa mas informacion riba un di e linknan akibou:
Prome bo ta pasa na e departamento di Admision - cu ta keda abou na entrada di Hospital. Si bo a wordo referi pa un specialista di wowo, bo tin cu bay cerca e specialista di wowo ey prome. Despues bo ta bay pa e departamento di Admision y despues pa e departamento di screening pre-operativo. Asina cu tur e resultadonan di e diferente testnan a drenta, bo ta bay na e departamento di Admision y bo ta traha un cita pa tratamento ambulatorio.
- Carta di Admision
- Carchi di AZV
- Identificacion valido
- Den caso cu ta aplicabel, un comprobante di bo seguro pa klas 1 of 2
1. Prome cu e test of operacion, bo mester ta na yuna. Pa e motibo aki no ta permiti pa come of bebe despues di 12or di e anochi prome cu bo drenta Hospital. Esaki ta encera cu bo no por bebe awa tampoco. Huma y kauw bals tampoco no ta permiti mas despues di e ora ey. Ta consehabel pa no come cuminda pisa e anochi prome cu bo drenta Hospital pa preveni sacamento durante of despues di operacion.
2. Prome cu bo drenta Hospital, ta pidi bo cariñosamente pa no bin cu make-up, ni huña pinta.
3. Ta consehabel pa no bin cu sumanan grandi di placa, ni hoya di gran balor y tampoco documentonan importante.
Hospital no ta para responsabel pa perdida of daño di ningun pertenencia personal!
4. Hospital lo yama bo pa reconfirma bo cita un (1) dia prome cu bo admision den Hospital.
- Peticion pa Admision, carchi di AZV, identificacion valido y si ta necesario un comprobante di bo seguro pa klas 1 of 2.
- Remedi cu bo ta uzando, preferiblemente den nan envoltura original.
- Paña pa drumi aden y articulonan di uzo personal.
- Material pa lesa, obra di man of cosnan asina.
- Numbernan di telefon di bo persona[nan] di contacto.
E dia cu bo drenta Hospital bo ta raporta na Departamento Ambulatorio –riba e prome piso di Hospital. Bo mester ta presente mainta pa 6.50 ora. Puntra e personal di siguridad pa habri e lift pa bo por bay e prome piso.
Riba e departamento di Cuido Ambulante - hende homber y hende muhe ta drumi den e mesun camber. Si bo ta desea, bo por cera e cortina tur rond di bo cama.
Bo ta haya un banchi na bo pols cu tur bo datonan personal riba dje. Un enfermero ta controla bo presion y bo pols y e ta haci otro preparacion mas. Despues cu bo warda un rato, un trahado di Hospital ta hiba bo camber di operacion. E ora exacto di bo test of operacion no ta semper conoci. E personal lo tene bo na haltura di esaki.
Despues di e operacion bo ta bay “sala di recuperacion” . Esaki ta un espacio unda bo ta bin bij bou supervision. Den curso di dia e dokter/specialista ta pasa pa wak con a bay cu bo y si bo por bay cas caba. E estadia lo ta di un par di ora so y no henter un dia. E departamento di Cuido Ambulante tin solamente 14 cama cu ta wordo uza dos of mas biaha pa dia.
Cada pashent ta reacciona diferente riba ful anestesia of anestesia local. Esaki ta pone cu e specialista por conseha bo pa keda un anochi pa observacion. Si esaki ta e caso, lo avisa bo na tempo.
No ta permiti pa haya bishita durante bo hospitalisacion ambulatorio. Solamente si mester basha gota den wowo ta permiti pa un miembro di famia of conoci ta cerca bo. Si ta trata di un mucha, e ora ta obligatorio pa un mayor ta presente.
No ta permiti pa despues di e test of operacion bo mes core auto, of cana bo so riba caminda. Pa motibo di e anestesia of anestesia local, ta importante pa un miembro di famia of conoci pasa busca bo. Sea asina bon di duna un enfermero bo number di telefon y nomber di bo persona di contacto, pa nan por yam’e pa bin busca bo.
Ora bo wordo busca, e miembro di famia of conoci ta ricibi instruccion encuanto e cuido post- operativo. Ta consehabel pa no keda so na cas e prome 24 oranan despues di operacion.
Si den anochi presenta problema of complicacion, semper por tuma contacto cu e Departamento di Prome Auxilio na number di telefon 527-4000.