Home > Resumen na Papiamento
Resumen na Papiamento Localidad
E hospital ta situa 2 miya leu for di Oranjestad, 2 miya leu for di Aeropuerto y ta fasilmente accesibel for di tur careteranan mas importante riba e isla.
Ora di bishita
Ora di bishita ta diariamente , for di 11:00 pa 13:00 y for di 17:00 pa 20:00 or. Tin oranan special di bishita pa tatanan di babynan recien naci como tambe pa bishita na Unidad di Cuido Intensivo.
Informashon general
Dr. Horacio E. Oduber Hospital, den su concepto, a wordo estableci como un Hospital Catolico. Sinembargo, como e unico institushon medico cu servicio completo riba e isla, e Hospital ta acepta pashent di tur denominashon. E historia di e Hospital ta basta extensivo y ta data for di October 1920, ora cu Surnan Hulandes di Orden Dominicano a cuminsa e prome Hospital ful equipa riba e isla (San Pedro di Verona). E prome Hospital aki tawata situa den area di playa y desde 1977 ta wordo usa como un di e centronan di anciano riba e isla. E actual edificio a ser inaugura na 1975 y a ser yama na e prome doctor Arubiano, Dr. Horacio E. Oduber, kende tawata atende su pashentnan na su cas (Quinta del Carmen na Bubali). Awedia e cas aki ta existi ainda. El a ser adkeri dor di un arquitecto local y remodela, den mayoria caso, den su estado original. Dor di e historia ta obvio cu e isla di Aruba ta liga fuertemente pa su herencia ancestral cu e Hulandesnan. Dor di esaki, e influencia Hulandes ta notabel den e organisashon y ehecushon di cuido medico na Aruba. Dor di e grandura di e isla, e Hospital tin un rol primario den cuido medico di e isla.
Meta
E hospital por sinti su mes orguyoso cu facilidadnan moderno pa re-enforsa servicio duná dor di Specialista Medico y personal di cuido, asina resultando den cuido di calidad excepshonal pa e pashent E Hospital ta esforsando pa ofrese e nivel di mas halto di cuido medico y cuido pa pashent integral. Un di e prioridadnan mas grandi di e Hospital, ta pa sigura un ambiente di trabao agradabel pa personal, “upgrade” profeshonal constante y tambe sigura un nivel eleva di entrenamento profeshonal, cual ta equivalente na e vishon di e Hospital. Dor di e grandura di e isla, e Hospital ta tratando na alcansa un comprendimento mutuo den cuido medico dor di traha cu otro instancianan medico riba e isla pa asina ofrese cuido medico superior continuo.
Organisashon
Dr. Horacio E. Oduber Hospital ta ser categorisa como un hospital general y tin 320 cama na su disposishon. E Hospital ta emplea aproximadamente 800 persona y tin20 diferente specialisashon, cual ta maneha pa 60 specialista. Pashentnan ta ser ofresi cuido medico specialisa den e siguiente formanan: cuido clinico, pashent externo y cuido di dia.
Structura
E Hospital ta ser maneha pa un Fundashon, “Stichting Ziekenverpleging ArubaFoundation for General Medical Care Aruba”. Administrashon di dia-pa-dia ta bao guia di un Director Medico y un Director Financiero. Nan ta ser sosteni pa 7 Hefe di Departamento y 3”beleidsmedewerkers”, 1 secretario di gerencia y un consehero huridico. Mayoria di e specialistanan ta conecta na e Hospital pa medio di Personal Medico. Un cantidad limita di specialista ta emplea dor di e Hospital, entre otro: Anestesiologonan, Radiologonan y e Farmacistanan. Otro specialistanan ta forma parti di Personal Medico.
Servicionan ofreci:
· Medicina Interno
· Cirugia General / Cirugia Vascular
· Orea, Nanishi y Garganta
· Cuido Pediatrico
· Nefrologia
· Neurologia
· Cirugia Plastico
· Farmacologia
· Anestesiologia
· Maneho di Dolor
· Cardiologia
· Optalmologia
· Dermatologia/Venerologia
· Obstetricia/Gynecologia
· Urologia
· Oncologia
· Cirugia Oncologico
· Psychiatria
· Servicio di Laboratorio
E Hospital ta distingui 2 Unidad, cu ta
Unidadnan Clinico
E Unidad General, cual ta sub-dividi den un Unidad Ambulatorio y Unidad di Cuido Coronario, cu 5 cama cu ta ser vigila constantemente y ta conecta cu control telemetrico.
· Un Unidad di Cuido Intensivo, consistiendo di 5 camber isola
· Un Unidad Cirurgico
· Un Unidad di Medicina Interno
· Cambernan priva y semi-priva na pisonan specifico
· Un Unidad Pediatrico, combina cu Unidad Neonatal
· Un Unidad di Maternidad
· Un Unidad Psychiatrico
Unidadnan No-Clinico
· Un Unidad di Cuido di Herida Emergencia
· Un Unidad di Rehabilitashon
· Un Unidad Endoscopico
· Cambernan di Operashon
· Obstetricia/Partera
· Chemotherapia
· Botica
· Un Unidad Ambulatorio
Maneho di Privacidad
Nos Hospital ta sumamente cuidadoso y concerni pa cu manipulashon di un pashent su historia medico. Ta pesey cu por lo tanto bo historia medico ta accesibel solamente dor di bo Medico Atendiente y Personal di Cuido na encargo di bo cuido. Tur Practicante Medico, Enfermero, Enfermero Atendiente y Ayudante di Enfermero ta bao huramento di Secrecia Profesional, pa sigura privacidad di tur pashent.
Departamento di Keho
Nos ta hasiendo nos esfuerso pa hasi bo estadia y/of bo bishita na Hospital lo mas satisfactoriamente posibel. Ta di sumo importancia, cu bo ta satisfecho cu e cuido y servicio cu nos ta duna. Sinembargo, a pesar di tur nos esfuerso, lo por ocuri cu bo lo por sinti cu e servicio y/of cuido no ta na e nivel cu bo ta acostumbra cu ne. Esaki por resulta den bo necesidad pa manda un keho. Pa nos por atendebo mihor, ta di importancia pa nos ta informa, si en caso bo sinti cu e cuido of servicio cu bo a ricibi no tawata adecuado. Dor di hasi esaki, bo ta permiti nos e oportunidad pa traha (hunto cu bo) pa yega na un solushon, of pa resolve un problema. Si bo ta rekeri mas informashon tocante e proceduranan pa sigui of si bo tin cualkier pregunta, por fabor sinti bo mes liber na tuma un foyeto di informashon, cual ta obtenibel na tur piso, of tuma contacto cu nos Manager di Claim, Dr. M.L. van der Griendt-Odijk, kende gustosamente lo contesta cualkier pregunta cu bo por tin.
Capacidad y Producshon
Durante transcurso di aña 2001, 11.865 pashent a ser admiti y cuida. 3153 Pashent a ser trata den Cuido Ambulatorio. E averahe di ocupancia di cama di Hospital tawata 91.9% y e averahe di cuido di Enfermero tawata 8.62 dia. Ta dor di cada specialista di cuido medico y empleado di e Hospital cu e cifranan aki por ser manteni.
Control di Calidad
Nos objetivo ta pa ofrece e calidad di mas halto di cuido y servicio pa cada pashent of bishitante cu nos sirbi. Teniendo esaki na bista, e Hospital a cuminsa cu implementashon di un programa di acreditashon pa Empleado. E objetivo di implementashon di e programa aki ta pa trese uniformidad na e manera cu cuido medico ta ser siña, duna y persibi. Esaki, ta pa logra eficiencia den e tipo di cuido y servicio cu nos ta duna, y pa continuamente hisa e nivelnan di calidad y cuido como tambe servicio duná na nos pashentnan y bishitantenan.
Informashon General
Turismo ta e entrada principal di economia Arubano. E localidad di e Hospital ta convenientemente cerca di Hotelnan y Resortnan grandi di e isla cu Unidad di Emergencia. Esaki ta simplifica e acceso na nos facilidadnan, pa nos bishitantenan y pashentnan cu ta rekeri tratamento pa indisposishon cronico. E Hospital por duna cuido cu ta obedese na Standard Internacional di Calidad. Nos Unidad di Emergencia ta habri 24 ora pa dia y ta equipa cu e ultimo technologia den cuido di emergencia, dunando nos e oportunidad di ofrese e standardnan di mas halto den cuido medico.
E Hospital ta inclui den su rango di servicionan un Unidad di Dialyse super-moderno, ofreciendo cuido na pashentnan cu ta rekeri Dialyse regularmente. Adishonalmente, e Unidad aki tambe por duna asistencia di “CAPD”. E cuido den e Unidad aki ta ser hasi pa Enfermeronan di Dialyse profeshonalmente entrena y e Hospital tin un Nefrologista fulltime emplea.
Nos Unidad di Oncologia tin habilidad di ofrese Chemo-therapia na pashentnan cu ta rekeri e tipo di tratamento aki. Ta recomendabel pa puntra, prome cu bo bishita, dor di hasi un yamada na e Hefe di Departamento di un di e Unidadnan aki, pa cu posibilidadnan y rekisitonan pa por dunabo e tipo di tratamento aki durante bo bishita. Pa mas informashon, por fabor referi na informashon di Unidad di Oncologia of Unidad di Dialyse riba e Site aki.
Afiliashon Internacional
Dor di e localidad den e region y e standard di viviencia di e habitantenan di e isla, ta di sumo importancia pa Hospital mantene afiliashonnan internacional cu Hospitalnan den e region y otro parti di mundo. Nos afiliadonan ta numeroso y ta inclui Hospitalnan den Antiyas Hulandes, Merca, Venezuela y Hulanda. E afiliadonan aki ta primordialmente pa (pero no limita na) Cuido Neonatal, Cardiologico, Neuro-Cirurgico, Tratamento di Quemadura, Oncologico y Nefrologico. Adishonalmente, e Hospital ta traha den contacto cercano cu numeroso facilidadnan di entrenamento medico internacional.
