Dr. Horacio E. Oduber Hospitaal tin como meta pa bay traha cu e sistema di siguridad di maneho (VMS). Cu e sistema aki hospital kier logra cu trabounan ta wordo haci den un forma safe na hospital.
Un elemento basico importante di e sistema di siguridad di maneho den cuido di pashent ta raporta incidente. P’ esey cada departamento tin nan mesun comision di VIM cu ta compila tur e incidentenan cu drenta.
E obhetivo di compila informacion y dato ta pa mehora e cuido den hospital. E incidentenan ta wordo discuti den reunion y si ta necesario ta traha un plan di mehoracion. Despues di a trata nan den reunion, ta manda e aviso procesa pa e comision central di VIM.
E meta di e comision central di VIM ta pa mehora siguridad di e pashent den hospital dor di analisa rapportnan di [casi] incidente y pa basa riba nan, introduci cambio. E comision ta duna conseho na e Hunta di Directiva.
Si bo ta desea di haya sa mas di Raporta Incidente Sigur (VIM), bo por tuma contacto cu Manager di Cluster Niet Snijdend, telefon number (00297) 587 4300.