Desde 2006 Dr. Horacio E. Oduber Hospital tin un Team di Calamidad cu por actua den casonan di calamidad. E team di calamidad aki (HVT) por yuda paga candela chikito, y por duna prome auxilio. Tambe ora di evacua victima y duna instruccion na personanan cu por ta den e edificio ainda.
Dor di e situacion geografico di hospital, a scoge pa tin un propio Team di Calamidad cu mientras ta warda yegada di asistencia profesional, por ehecuta cierto tareanan di preparacion pa asina limita e impacto di calamidadnan. E miembronan di e HVT tur ta empleado di hospital, cu tin como bentaha cu nan ta bon na haltura di e facilidadnan.
A selecta e miembronan for di tur sector di Dr. Horacio E. Oduber hospital cu e meta pa 24 ora pa dia, 7 dia pa siman, tin miembro di e HVT den e edificio. E miembronan di e HVT ta entrena riba tereno di prevencion, situacionnan di urgencia interno y calamidad. Pa mas informacion bo por tuma contacto cu Milka Schoop, Manager Siguridad, na telefon
588 4300 extension 341. Tambe bo por manda un e-mail pa m.schoop@arubahospital.com.