Riba e pagina aki bo ta haya informacion tocante e oranan di bishita di Dr. Horacio E. Oduber Hospital. E oranan normal di bishita ta conta pa mayoria departamento. Algun departamento tin orario di bishita diferente. Pa mas informacion bo por primi na man robes den e menu pa tanto e orario di bishita normal cu esun diferente.
Nos ta aprecia masha si bo bin di bishita na e oranan stipula pa bishita. Den caso cu e oranan aki pa un of otro motibo no ta cumbini bo, bo por ta asina bon di consulta cu e Manager di Cuido di e departamento concerni, prome. Bo por ta asina bon tambe, ora ta trata di oranan di bishita diferente, pa semper acudi na e balie di informacion.