Na Aruba tin mas cu 95 persona cu ta depende di hemodialyse. Dr. Horacio E. Oduber Hospital ta ofrece desde 1985 e posibilidad pa dialisa. Mientrastanto e clinica di Dialisis cu a caba di wordo modernisa, a crece bira un di e clinicanan mas moderno den Caribe. Den e clinica di Dialisis bo por ricibi tratamentonan pa reemplasa funcion di e riñon. Den e clinica bo ta para central como pashent y bo por spera di ricibi cuido personalisa. E clinica tin un sala di dialisis bon outiya cu 20 stacion cronico di e marca “Fresenius USA”. Tambe e stoelnan cu ta bin di e fabrica aki ta masha confortabel.
E clinica di Dialisis ta situa riba e tereno banda di PAAZ. Aki tur pashent cronico ta ricibi tratamento. Tambe e departamento di dialisis Peritoneal ta ubica aki. Pashentnan policlinico por drenta na e entrada principal y warda den e sala di espera. Dialisis agudo ta tuma luga riba ICU, CCU, y/of e camber agudo riba prome piso banda di ICU y e camber di isolacion riba prome piso.
E clinica ta habri di dialuna te cu diasabra di 7.00 ora te cu 20.00 ora. Diadomingo e clinica ta cera. Bo por haya e enfermero na warda na telefon di 20.00 ora te 7.00 ora y e Nefrologo na warda ta 24 ora disponibel via central di Hospital.
Por yama e clinica na number di telefon (00297) 527 4370 of (00297) 527 4000, ext. 4370. Tambe bo por manda fax pa e clinica na number (00297) 588 7897 of bo por manda un e-mail pa