Rolstoel
Hospital ta pone rolstoel disponibel pa esunnan cu mester presenta na hospital pa un tratamento of test. E bishitante aki mester raporta na balie di Informacion unda por haya un rolstoel despues di entrega un identificacion valido. Ora di entrega e rolstoel, e persona aki ta ricibi su identificacion bek. Tin espacio di para auto pa pashentnan di rolstoel. E pashentnan aki por busca un carchi na e balie di Informacion cu nan por colga na e spiel dilanti den auto pa mustra cu ta permiti para nan auto ey. Mester entrega e carchinan aki bek na e balie di Informacion ora di bay cas.
Telefon publico y Celular
E telefon riba piso no ta pa uzo di e pashent. Riba cada piso tin un telefon publico cu e pashent por uza. Ta bende carchi pa e telefonnan publico aki den e Hospital Deli, e tienda abou na entrada.
Uzo di telefon celular pa pashent y bishitante no ta permiti tur caminda. E camponan electromagnetico di un telefon celular, por causa interferencia na aparatonan medico. Ta suplica bo cariñosamente pa paga esaki unda ta necesario of den caso cu e personal di hospital pidi bo haci tal.