Hospital ta habri pa pashent di tur filosofia di bida y creencia, y semper manteniendo respet pa un y tur. Si bo tin gusto di papia cu un di nos colaboradonan Pastoraal, bo por tuma contacto cu Servicio Pastoraal na extension 4400 of via Central di Telefon. Tambe lo bo por haya mas informacion cerca e staf di enfermero tocante esaki.
Cada di tres diadomingo di luna, ta celebra un Santo Sacrificio di Misa pa 10.15or di mainta den e cafetaria di Hospital. Si ta medicamente responsabel bo por asisti na e Misa aki den bo cama/rolstoel. Bo famia tambe ta bonbini. Si ta desea bo por ricibi Comunion riba bo cama, despues di Misa.
E kapel ta situa den e mesun gang na unda ta duna e servicio di MRI riba e prome piso. E ta habri pa un momento di trankilidad, reflexion, y/of oracion. E kapel ta habri di 6or di mainta te cu 10or di anochi. En conexion cu peliger pa candela no ta permiti pa cende bela.