Na e balie di Informacion bo por haya informacion riba cua piso un pashent ta interna.
E orario di bishita ta tur dia di 11.30or te cu 1or y di 6or pa 8or. Pashentnan mester di nan trankilidad y sosiego. Pa e motibo aki mester preveni boroto den e cambernan di pashent. P’ esey no ta deseabel pa tin mas cu tres bishita hunto cerca cada pashent. Si bo haya mas bishita, laga e hendenan aki cambia cu otro. Si ta necesario, un enfermero por hala bo atencion riba e cantidad di bishita.
No ta semper posibel pa planea cierto actividad di e proceso di cuido (manera test, tratamento, bishita di dokter) fuera di e orario di bishita, sigur no riba e departamentonan unda orario di bishita ta continuo. Asina ta cu lo por pasa un dia cu abo como pashent no por ricibi bishita durante e orario di bishita stipula.
Orario di bishita pa Unidad di Unidad di Parto y Maternidad, ICU, Unidad di Mucha/ Couveuse ta diferente cu e orario di bishita general.
Pa mas informacion riba e orario aki, primi aki.