Curso “Comunicacion den psikiatria” hopi fructifero

Recientemente un grupo di trahadonan di departamento PAAZ di Hospital a tuma e curso “Comunicacion den psikiatria”, duna pa Bart de Haas cu ta un docente di “Academie voor Psychiatrie” na Amsterdam. Un total di 26 trahado den enfermeria, “activiteitentherapie” y tambe trahadonan social a termina e curso aki cu exito y a ricibi nan certificado dia 12 di mei, riba dia Internacional di Enfermeria.

 

Comunicacion ta central riba tereno di psikiatria. Tanto na momento di tin contacto cu pashent, como tambe cu coleganan, comunicacion tin un importancia significativo. Comunicando na e manera corecto ta traduci su mes den mehoracion di cuido, siguridad, cooperacion y profesionalismo. Y durante e curso aki a revisa e miho metodonan pa comunica cu e clientenan cu ta bishita PAAZ diariamente. 

 

E temanan principal cu a trata durante e curso ta con pa anda cu conflicto, con pa negocia y tambe con pa ta mas asertivo. A trata e diferente temanan di un manera interactivo y educativo pa medio di un combinacion di teoria cu “rollenspelen” y tambe un rapport di reflexion. Un y tur a ser inspira y a bira hopi evidente, na momento cu tabata trata e diferente temanan aki, riba kico tur comunicacion por haci pa y cu un hende.

 

Formando parti di cursonan informativo asina ta wordo masha aprecia pa e trahadonan di PAAZ. Nan a asisti pa nan integra e conocemento y experiencia den nan funcion diario pa asina mehora e servicio brinda na pashentnan cu ta haci uzo di e serivicio di PAAZ na Hospital. Pabien na tur e participantenan.