Hospital ta organisa un competencia di arte

 

Den cuadro di celebracion di dia internacional di Enfermeria Hospital ta organisa un competencia di arte na unda cada obra lo mester refleha e imagen cu enfermeria tin pa bo! E piesanan di arte por varia entre pintura, dibuho y potret te cu estatuanan den brons, piedra y material sintetico. E criterionan di mas importante pa e hurado ta originalidad, uzo di material, presentacion y motivacion.  Durante e prome ronde e hurado ta scoge 15 piesa cu lo bay e exposicion final cu lo tuma luga di dialuna 9 di mei te cu diahuebs 12 di mei den e entrada principal di Hospital.

 

Tur hende por participa na e competencia aki cuminsando na trahadonan di HOH, pashentnan, scolnan, artistanan y publico en general. E escogencia di material ta totalmente liber y e format y tamaño no por ta mas grandi cu 1m x 1m.

 

E team di hurado ta consisti di 3 miembro, na unda dos ta artistanan profesional y un ta un coordinador interno cu afinidad pa arte. E team di hurado ta scoge 15 piesanan for di e obranan di arte cu a ser entrega cu ta mas inspirante pa e exposicion y alabes ta scoge e 3 ganadonan.

 

Riba 12 di mei lo anuncia e 3 ganadonan di e competencia. E obranan cu no ser anuncia como ganado lo ser uza den publicacionnan di Hospital of exponi riba luganan strategico den nos hospital cu e nomber di e artista.

 

E obranan mester ser entrega personalmente y durante ora di oficina prome cu 6 di mei na Balie di informacion di Hospital. Pa mas informacion por subi www.arubahospital.com of por tuma contacto cu Departamento di Comunicacion y informacion na 588 4300 ext. 455.