Jessy posted on november 19, 2010 17:40
Nobo, di calidad y sigur pa pashent
Dr. Horacio E. Oduber Hospital orguyoso di renobacion cambernan di operacion
Diamars, 24 di november, a tuma luga e reapertura oficial di e cambernan di operacion di hospital den presencia di su excelencia Minister di Salubridad, señor Richard Visser Loke ta unico ta cu durante e periodo na unda e coreccionnan a tuma luga, trabounan a sigui normal y pa medio di un bon planificacion y flexibilidad di e personal operacionnan importante por a ser efectua.
E instalacionnan den e cambernan di operacion ta data desde e construccion di hospital na aña 1976 y ya no tabata cumpli cu e rekisitonan actual di siguridad pa un camber di operacion. Durante añanan a reforsa e normanan di siguridad considerablemente. Esaki ta encera normanan cu tin di haber cu e siguridad electrico, gas medico, e control di oxigeno y e higiena. Den cuadro di siguridad di pashent tanto como di e personal y pa asina por cumpli cu e rekisitonan di mas moderno hospital a tuma e decision pa renoba e cambernan di operacion totalmente.
Den e cambernan di operacion 1 te 5 a tuma luga instalacionnan electrico y alabes instalacionnan pa cu e oxigeno medico pa asina adapta na e normanan valido. Un coreccion grandi cu a ser aplica tin di haber cu e instalacionnan di aire condiciona cu ta percura pa un calidad mas halto di oxigeno. Esaki ta eleva e siguridad di nos pashentnan ora ta papia di prevencion den cuadro di infeccion. Na mes momento a reemplasa e portanan entre e cambernan di operacion y labamano pa e asina yama “schuifdeuren” electronico. Tambe a renoba e vloernan di e cambernan di operacion y e otro espacionan den e compleho pa vinyl completamente nobo. E dak bieu a ser cambia pa nobo y e compleho den su totalidad a haya un color nobo di verf.
Pa motibo cu cierto operacionnan ta mas sensitivo cu otro pa coy un infeccion manera un operacion di un duracion di oranan largo a scoge pa instala den camber di operacion 5 un sistema di oxigeno special. E sistema aki ta brinda e pashentnan mas siguridad na momento cu por yega na haya un infeccion. E ultimo espacio cu a ser renoba tabata camber di operacion 5 cual den su totalidad y segun plan a tuma 7 siman.
Dr. Horacio E. Oduber Hospital ta masha orguyoso di un compleho di cambernan di operacion nobo di calidad halto y ta convenci di por brinda su pashentnan durante operacion miho cuido cu mas siguridad.